Դիալիզի համար նախատեսված կոմպակտ մեքենան կփոխի հիվանդների կյանքը. tert.am

Մոտակա ամիսներին ԱՄՆ-ում կսկսեն շարժական արհեստական երիկամի (Wearable Artificial Kidney) փորձարկումը: Այս մասին հաղորդում է Meddaily.ru-ն՝ հղում կատարելով Ремедиум-ին: Կալիֆորնիայի համալսարանի աշխատակիցների կողմից ստեղծված կոմպակտ սարքն ամրանում է հատուկ հարմարեցված գոտու վրա, աշխատում է լիցքավորվող մարտկոցով և կշռում է մոտ 4.5 կիլոգրամ:

Հետագայում հնարավոր է քաշի և չափսի կրճատում կատարվի: Ինչպես հաղորդում է աղբյուրը՝ կլինիկական փորձարկումների առաջին փուլում կստուգվի սարքի արտադրողական համակարգի անվտանգությունը: Ընտրված 16 կամավորին կհետևեն 28 օրվա ընթացքում: Մասնագետները տեղեկացրել են, որ արդեն 10 տարի է, ինչ աշխատում են այդ սարքի արտադրության վրա:

Հարցեր, պատասխաններ, մեկնաբանություններ