Հարգելի Սուրեն, բարև Ձեզ: Ձեզ մոտ առաջացել է միանգամից երկու խնդիր` էրեկտիլ դիսֆունկցիա և վաղաժամ սերմնաժայթքում, որոնք Ձեր դեպքում փոխկապակցված են, և ունեն ավելի շատ, ոչ թե օրգանական, այլ հոգեբանական-նյարդային պատճառ: Խնդիրը կարելի է լուծել: Հարկավոր է նեղ մասնագետի` սեքսոպաթոլոգի խորհրդատվություն:

Հարգելի Svetlana,արգանդի իջեցումը տարածված խնդիր է կանանց մոտ:Նման խնդիր հիմնականում հանդիպում է բազմածին,տարիքով կանանց մոտ,ծանր ծննդաբերություններից կամ երկարատև բարձր ներորովայնային ճնշման հետևանքով:Արգանդի իջեցումը `կախված իջեցման աստիճանից կարող է տարբեր կլինիկական դրսևորումներ ունենալ:Ոչ ծանր դեպքերում կլինիկական միակ ախտանիշը կարող է ոչ շատ արտահայտված անմիզապահությունը լինել,որը հետևանք է շեքի մկանների թուլացման:Հետագա բարդությունները կախված են ծանրության աստիճանից:Որոշ դեպքերում անհրաժեշտ է վիրահատական միջամտություն:Ինչ վերաբերվում է ծննդաբերություններին,ապա դա նույնպես կախված է ծանրության աստիճանից:Ոչ արտահայտված դեպքերում հնարավոր առանց խնդիրների ծննդաբերել:Սակայն անհրաժեշտ է անընդհատ լինել գինեկոլոգի հսկողության տակ,նամանավանդ եթե մտադիր եք նորից ծննդաբերել:

Հարգելի ARMINE,դժվար է պատկերացում կազմել խնդրի մասին,այն էլ որևէ լուծում առաջարկել:Եթե օգտագործում եք պահպանակ,ապա հնարավոր է որ ալերգիա է լատեքսից,կարող եք ավելի որակյալ և քսուկով պահպանակներ օգտագործել:Հարկավոր է ճշտել `այդ երևույթն ուղեկցվում է արդյոք որևէ այլ ախտանիշով,օրինակ արտադրություն սեռական անդամից,եթե այո ,ապա հնարավոր է կա ինֆեկցիա կամ բորբոքում,այս դեպքում անհրաժեշտ է դիմել ուրոլոգի:Նշենք նաև,որ նման խնդիր կարող է դիտվել նաև ոչ բնական ծագման,կոշտ սպիտակեղեն օգտագործելիս,ինչպես նաև հիգիենայի որոշ միջոցներից,որոնք առաջացնում են ալերգիա: