Սթրեսն ու վատ տրամադրությունը արգելափակում են ստեղծագործական գաղափարները. 1in.am

Հաճախակի սթրեսները, վատ տրամադրությունը կամ ընկճախտը, կատաղությունը կամ նյարդայնությունը բացասաբար են ազդում գլխուղեղի այն հատվածների կենսագործունեության վրա, որոնք պատասխանատու են հիշողության, կոգնիտիվ գործառույթի, աշխատանքի արդյունավետության կամ կրեատիվության համար, գրում է heart4life.com.ua-ն:

Դրա գլխավոր պատճառներից մեկն այն է, որ ներքին լարված մարդիկ հաճախ կենտրոնացած են մտացածին խնդիրների վրա: Ընդ որում՝ գիտնականներն ընդգծում են, որ լավ տրամադրությունը միշտ չէ, որ լավ աշխատունակության նախապայման է: Դա հաստատում են Տորոնտոյի համալսարանի աշխատակիցների հետազոտության արդյունքները:

Այդուհանդերձ, լավ տրամադրությունը բարձրացնում է մարդու՝ օրիգինալ ու կրեատիվ գաղափարներ գեներացնելու ունակությունը: Գիտնականները հավելում են, որ զգալիորեն հեշտ է փոխել լավ տրամադրությամբ մարդու մտքերի ընթացքն ու շեղվել վատ մտքերից, իսկ միօրինակ ու մոնոտոն աշխատանքը ավելի լավ են հաղթահարում հանգիստ խառնվածքով մարդիկ:

Հարցեր, պատասխաններ, մեկնաբանություններ