Նոր թեստը կօգնի ախտորոշել աուտիզմով երեխաների տագնապային խանգարումը. news.am

Աուտիզմով որոշ հիվանդների մոտ առաջանում են տագնապային խանգարումներ, որոնք դժվար է ախտորոշել, քանի որ այս խանգարումների ախտանիշերը նման են աուտիզմի ախտանիշերին: Երկու դեպքում էլ երեխայի կյանքի որակն ավելի ցածր է, քան միայն աուտիզմով տառապողի, ուստի կարեւոր է տագնապի խանգարումների ժամանակին ախտորոշումը եւ դրանց բուժումը:

Drexel University-ի հետազոտող Քոնոր Քերնսը Anxiety Disorders Interview Schedule-ի հարցաշարին սեփական լրացում է ստեղծել: Այն անվանել են Kerns’ Autism Spectrum Addendum: Հեղինակն այն մշակել է 2014 թվականից եւ վերջերս թեստավորել է աուտիզմով եւ տագնապային խանգարումով 8-13 տարեկան 69 երեխաների:

Kerns’ Autism Spectrum Addendum-ի միջոցով ստացված եզրակացությունները ստուգել են այլ մեթոդներով, որոնք օգտագործվում են տագնապային խանգարումները հայտնաբերելիս: Բոլոր ստուգումների արդյունքները համընկել են, այսպիսով, նոր հարցերը կօգնեն աուտիզմով երեխաների շրջանում տագնապի խանգարումներն ախտորոշելիս:

Մասնագետի խոսքով՝ այս հիվանդությունների ախտանիշերն, իրավամբ, դժվար է միմյանցից տարբերել. օրինակ, երեխան մարդկանցից խուսափում է եւ՛ աուտիզմի (չի ցանկանում շփվել), եւ՛ տագնապային խանգարման (վախենում է շփվել) ժամանակ:

Հարցեր, պատասխաններ, մեկնաբանություններ