Ավստրալիացի գիտնականները նեյրոբլաստոմայի բուժման նոր միջոց են ստեղծել. news.am

Ավստրալիացի գիտնականները փորձարարական դեղ են մշակել, որը կարող է արդյունավետ լինել նեյրոբլաստոմայի՝ երեխաների նյարդային համակարգի քաղցկեղի  դեմ պայքարում. այս հիվանդությունը զարգանում է սաղմնային նյարդային բջիջներում։

Ներկայում CBL01371 կոդային անվանմամբ դեղը փորձարկվում է հասուն հիվանդների վրա, բայց՝ գիտնականների խոսքով, այն երեխաների նյարդային համակարգի զարգացումը դադարեցնելու ներուժ ունի։ Նեյրոբլաստոմայի լաբորատոր նմուշների վրա հետազոտության հեղինակները ցույց են տվել, որ դեղը կարող է հենց սկզբից կանխել սաղմնային քաղցկեղը՝ դրանով ճանապարհ հարթելով ապագայում այդ հիվանդության կանխարգելման հնարավոր ռազմավարությունների մշակման համար։

Նեյրոբլաստոման քաղցկեղ է, որը զարգանում է չհասունացած նյարդային բջիջներից, որոնք առկա են մարմնի մի քանի մասում։ Դա վաղ մանկությունում ամենից ավելի տարածված ուռուցքի տեսակն է, որը, որպես կանոն, ախտորոշվում է վերջին փուլերում։ Նեյրոբլաստոմայով տառապող երեխաների մոտավորապես կեսն ագրեսիվ ուռուցքներ ունի, եւ հիվանդների կեսից քիչն է ողջ մնում նույնիսկ ինտենսիվ բուժումից հետո, այդ պատճառով ավստրալիացի գիտնականների կողմից մշակված նոր դեղը կարող է հույս տալ շատ հիվանդների եւ նրանց ընտանիքներին։

Նշանակալի է, որ ի տարբերություն շատ այլ քիմիաթերապեւտիկ նյութերի,  CBL0137 դեղը չի վնասում ԴՆԹ-ն, իսկ չէ՞ որ ԴՆԹ-ի վնասվելը լուրջ կողմնակի հետեւանքներ է առաջ բերում, որոնք երեխաներին վնասում են այն բանից հետո, երբ նրանք բուժվում են քաղցկեղից, նշում են փորձագետները։

Հարցեր, պատասխաններ, մեկնաբանություններ