Երեխաների հետ զգացմունքներից խոսելը նվազեցնում է նրանց ագրեսիայի մակարդակը. 1in.am

Գիտնականները պնդում են, որ եթե ծնողները երեխայի հետ խոսում են զգացմունքների մասին և բացատրում են նրան, թե որոշակի իրավիճակներում մարդ ինչ է զգում, ապա երեխայի մոտ ագրեսիվ վարքի առաջացման ռիսկը նշանակալիորեն նվազում է: Այդ մասին հրատարակված է The Journal of Developmental & Behavioral Pediatrics ամսագրում:

Փորձին մասնակցել են 18-24 ամսական 89 երեխա, ինչպես նաև նրանց ծնողները: Մայրերը պետք է երեխային նկար ցույց տային, որտեղ պատկերված էր որևէ իրավիճակում գտնվող մարդ, օրինակ՝ գնդակը կորցրած աղջիկ: Մայրը պետք է բացատրեր, թե ինչ է զգում աղջիկը, ինչի համար է նա այդպես զգում, ինչպես նաև խնդրեր երեխային՝ հիշել նմանատիպ դեպք:

Գիտնականների կարծիքով՝ այդպիսի զրույցները հատկապես կարևոր են աղքատ ընտանիքների երեխաների համար:

Հարցեր, պատասխաններ, մեկնաբանություններ