Գերազանց գնահատականները երբեմն կարող են վնասել առողջությանը. գիտնականներ. 1in.am

Գիտնականները պարզել են՝ արդյո՞ք օգտակար է գերազանցիկ լինելը: Գերազանց գնահատականները երբեմն կարող են վնասել առողջությանը՝ հայտնում է direct-press.ru-ն:

Շվեդ գիտնականները հետազոտության արդյունքում պարզել են, որ երեխաները, որոնց օրագրում միայն գերազանց գնահատականներ են, ավելի են ենթակա մանիկալ-դեպրեսիվ փսիխոզի ռիսկի, քան ցածր գնահատականներ ստացողները:

Մասնագետներն ուսումնասիրել են 700 հազար դպրոցականների տվյալները: Սկզբում նրանք ուսումնասիրել են նրանց 15 տարեկանի քննական թեստերի արդյունքները, այնուհետև տեղեկություն այն մասին, թե ով է վերջում հոսպիտալում հայտնվել երկբևեռ խանգարումով:

Պարզվել է՝ գերազանցիկները 4 անգամ ավելի հաճախ են բժշկի դիմել, քան լավ սովորողները, և 2 անգամ ավելի հաճախ, քան «2» ստացածները: Հետաքրքիր է, որ ամենից հաճախ մանիկալ-դեպրեսիվ փսիխոզով տառապել են «Երաժշտություն» և «Մայրենի լեզու» առարկաներից գերազանցիկները:

Իսկ ահա նախկին «2» ստացողները հաճախ դառնում են հաջող բիզնեսմեն, հայտնի մարզիկ, Նոբելյան մրցանակակիր:

Հարցեր, պատասխաններ, մեկնաբանություններ