Մոր ներկայությունն ազդում է դեռահասների վրա՝ ռիսկային որոշումներ կայացնելու. 1in.am

Գիտնականները պարզել են, որ մոր ներկայությունն ազդում է դեռահասների մոտ ռիսկային որոշումներ կայացնելու հակվածության վրա: Գիտնականների այս աշխատանքի հետ մանրամասնորեն կարելի է ծանոթանալ Social Cognitive and Affective Neuroscience ամսագրում:

Ուսումնասիրողները փորձերի շարք են անցկացրել, որոնց տասնչորսամյա դեռահասներն ու նրանց մայրիկներն են մասնակցել: Դեռահասներին հնարավորություն են տվել մեքենա վարել մայրուղու վրա, ընդ որում, առաջին անգամ նրանք միայնակ են վարել, իսկ երկրորդ անգամ որպես ուղևոր վերցրել են իրենց մայրերին: Գիտնականները նախկինում նման ուսումնասիրություն անցկացրել են, սակայն որպես ուղևոր մեքենայի մեջ դեռահասներ են եղել, ինչը մեծացրել է վտանգավոր հնարքների քանակը:

Աշխատանքի արդյունքները ցույց են տվել, որ երբ մեքենայում դեռահասները միայնակ են եղել, դեպքերի 55%-ում նրանք ավելի վտանգավոր վարելաոճ են ընտրել, ընդ որում նրանց գլխուղեղում ակտիվացել է պարգևատրման համար պատասխանատու գոտիները: Երբ երեխաների կողքին են գտնվել նրանց մայրերը` ռիսկային որոշումնեի ընդունման հավանականությունը նվազել է մինչև 45%, իսկ եթե դրանք, ամեն դեպքում, ընդունվել են, ապա պարգևատրման համար պատասխանատու ուղեղի գոտիները չափազանց ակտիվ են աշխատել: Եվ ընդհակառակը, երբ վարորդը հետևել է երթևեկության կանոններին, նրա ուղեղում նկատվել են իրադրության և որոշումներ կայացնելու համար պատասխանատու ուղեղի հատվածների ակտիվացում: Այսպիսով, գիտնականներն ապացուցել են, որ միայն մոր ներկայությունը մեզ օգնում է ավելի անվտանգ կերպով գործել:

Հարցեր, պատասխաններ, մեկնաբանություններ