Պլանշետները զրկում են երեխաներին տարրական սոցիալական հմտություններից. tert.am

Գիտնականները շարունակում են ուսումնասիրել ժամանակակից գաջեթների ազդեցությունը երեխաների առողջության և զարգացման վրա: Այս մասին հաղորդում է Meddaily.ru-ն՝ հղում կատարեոլվ The Telegraph-ին:

Ուսուցիչների և դասավանդողների բրիտանական ասոցիացիան հայտնել է, որ այն երեխաները, ովքեր շատ ժամանակ են ծախսում համակարգիչների, պլանշետների վրա, չեն կարողանում խաղալ հասարակ խորանարդիկներով և գրել այսպես ասած՝ սևով սպիտակի վրա:

Մինչ ուշ գիշեր համակարգչի մոտ նստող երեխաները հաջորդ օրը չեն կարողանում ուշադրությամբ հետևել դասերին:

Փորձագետների խոսքով՝ նրանք իրական անջատման մեջ են գտնվում, քանի որ համակարգիչների կամ պլանշետների վառ էկրանները մշտական տեսողական վիզուալ խթանում են ապահովում, իսկ առանց դրա երեխայի մոտ դժվարանում է կենտրոնացումը:

Բջջային սարքերից կախվածություն ունեցող բազմաթիվ աշակերտների մոտ բացակայում են պարզ սոցիալական հմտությունները, քանի որ երեխաների ծնողներին ավելի նպատակահարմար և հեշտ է՝ նստեցնել նրանց էլեկտրոնային խաղալիքի առջև, այլ ոչ թե զբաղեցնել նրանց:

Հարցեր, պատասխաններ, մեկնաբանություններ