Վենեսուելայում հավանաբար կարգելվի երեխաներին շշով կերակրել

Վենեսուելայում երեխաներին կերակրելու ապագայում միակ օրինական միջոցը կդառնա կրծքով կերակրումը՝ հաղորդում է RIA Novosti-ին:

Երկրի խորհրդարանում այսօր քննարկվելու է երեխաների կերակրման համար հատուկ շշերի օգտագործման արգելքը՝ հաղորդում են լատինաամերիկյան ԶԼՄ-ները:

Նման անսովոր փաստաթղթի նպատակն այն է, որ մայրերը կրծքով կերակրեն իրենց երեխաներին: Հաղորդվում է նաև, որ օրինագծի հեղինակը Վենեսուելայի Միասնական սոցիալիստական կուսակցությունն է:

Արգելքը կտարածվի մինչև 6 ամսական երեխաներին կերակրելու վրա:

Ծրագրվում է արգելել կաթի ու չոր խառնուրդների բոլոր շշերը՝ բացառությամբ այն դեպքերի, երբ մայրը չի կարող կրծքով կերակրել երեխային:

Նոր օրենքի ընդունման դեպքում օրինախախտներին կտուգանեն, ընդ որում՝ տուգանքի չափը կհասնի 50 հազար դոլարի:

Հարցեր, պատասխաններ, մեկնաբանություններ