Թերսնումը մինչև 5 տարեկան երեխաների մահացության գրեթե 50 տոկոսի պատճառն է. հետազոտություն

Թերսնումը մինչև 5 տարեկան երեխաների մահացության գրեթե 50 տոկոսի պատճառն է։ Այս մասին, ինչպես տեղեկացնում է BBC-ի ռուսական ծառայությունը, ասվում է Lancet բժշկական ամսագրում հրապարակված հոդվածում։

«Ամեն տարի աշխարհում՝ գերազանցապես Աֆրիկայում ու Ասիայում թերսնումից մահանում է ավելի քան 3 մլն երեխա, ու այդ թվերն ունեն աճի միտում»,– ասվում է հոդվածում:

Հետազոտությունը հրապարակվել է Մեծ Բրիտանիայի վարչապետ Դևիդ Քեմերոնի նախագահությամբ անցկացվելիք միջազգային հանդիպման նախօրեին, որտեղ պետք է քննարկվեն աշխարհում սննդի հետ կապված հիմնախնդիրներ։

Բարեգործական կազմակերպությունների ակտիվիստները կոչ են անում հավելյալ 1 մլրդ դոլար հատկացնել տարբեր երկրների կառավարություններին՝ սովյալների կարիքները հոգալու համար:

Հարցեր, պատասխաններ, մեկնաբանություններ