Արդեն 5 ամսականում նորածինները գիտակցություն են ձեռք բերում. գիտնականներ

Գիտնականները պարզել են, որ նորածինները արդեն 5 ամսականում, կամ նույնիսկ ավելի վաղ, գիտակցություն են ձեռք բերում: Այս մասին նշվում է Science ամսագրում հրապարակված մի հոդվածում:

Իր գործողությունները հիշելու ունակությունը, դրանց մասին հիշողություններ պահպանելը, դրանք մյուսների արարքներից տարբերելը և վերլուծել կարողանալը մարդու ինքնագիտակցության հիմնական նախանշաններից են:

Սիդա Քուդյեի ղեկավարությամբ գործող նեյրոմարդաբանների խումբը սովորել է «հետևել ուղեղում եղած գիտակցության քանակին»՝ ըստ դրա ակտիվության լուսանկարներ դիտելու ընթացքում: Գիտնականները երեխաներին (կրծքով կերակրվող և այդ հասակից մի փոքր ավելի մեծ) 3 լուսանկար են ցույց տվել, որոնցից մեկը մարդու լուսանկար է եղել: 5-15 ամսական երեխաների ուղեղն արձագանքել է մարդու լուսանկարին և փորձել ճանաչել այն, սակայն մի փոքր ավելի դանդաղ, քան մեկուկեսամյա փոքրիկների ուղեղը:

Դա վկայում է այն մասին, որ երեխաները գիտակցություն են ձեռք բերում զարգացման ամենավաղ փուլերում և աշխարհն ընկալում այնպես, ինչպես մեծերը:

Հարցեր, պատասխաններ, մեկնաբանություններ