Կրծքի կաթի 100 բաղադրիչներ հնարավոր չէ ներառել խառնուրդում

Կրծքի կաթին համարժեք փոխարինող գոյություն չունի: Մանկական խառնուրդ արտադրողների այն բոլոր հայտարարությունները, որ իրենց արտադրանքը համարժեք է մայրական կաթին կամ որոշ դեպքերում գերազանցում է այն, անհիմն են:

Վերջին հետազոտությունների ժամանակ մասնագետները պարզել են, որ կրծքի կաթը ներառում է հարյուր բաղադրիչներ, որոնք հնարավոր չէ վերարտադրել խառնուրդների մեջ: 

Արհեստական կերակրման կողմնակիցները պնդում են, որ որոշ ցուցանիշների համաձայն՝ խառնուրդները գերազանցում են կրծքի կաթը, օրինակ՝ սպիտակուցների, երկաթի, որոշ վիտամինների և միներալների քանակով: Չնայած որ սպիտակուցներով և երկաթով կրծքի կաթը, իրոք, հարուստ չէ, այն համեմատաբար ավելի լավ է մարսվում, իսկ գերվիտամինացումը երբեմն կարող է վնաս հասցնել երեխայի առողջությանը: 

Ինչպես նաև ներկայումս մանկական արհեստական կերերը զիջում են կրծքի կաթին լակտոզայի քանակով, որը օգնում է ուղեղի զարգացմանը: 

Եվ ամենակարևորը՝ հենց այն հակամարմինները, որոնք կան կրծքի կաթի մեջ, պաշտպանում են երեխային հիվանդություններից, և, ցավոք, դրանք արհեստական խառնուրդների մեջ վերարտադրվել չեն կարող:

Հարցեր, պատասխաններ, մեկնաբանություններ