Բրիտանացի վիրաբույժները հաջողությամբ անջատել են ընդհանուր ստամոքսով երկվորյակներին

Բրիտանացի վիրաբույժները յուրօրինակ վիրահատություն են կատարել սիամական երկվորյակներին անջատելու համար: Ստամոքսների շրջանում միացած երկվորյակներ Ռոզի և Ռուբի Ֆարմոսաները հաջողությամբ անջատվել են միմյանցից ծնվելու երկրորդ օրը: 

Անգլուհի Անժելա Ֆարմոսան հղիության 16-րդ շաբաթում է իմացել, որ երեխաները միմյանց կպած են: Նա չի իմացել, թե նրանք երբ են լույս աշխարհ գալու, քանի որ բժիշկները չեն կարողացել ասել, թե ինչպես են նրանք միացած: 

Երբ աղջիկները լույս աշխարհ են եկել, պարզ է դարձել, որ նրանք միացած են պորտի հատվածում և ունեն ստամոքսի միասնական հատված, որը փաստացի չի գործել: 

Չնայած վիրաբույժները երեխաների ապրելու ոչ մի հույս չէին տալիս, այսօր արդեն կարելի է ասել, որ վիրահատությունը հաջող է ընթացել:

Հարցեր, պատասխաններ, մեկնաբանություններ