Երեխան պետք է քնի մոր հետ նույն մահճակալին. գիտնականներ

Երկար ժամանակ բժշկները փորձում են պայքարել այն ծնողների դեմ, ովքեր քնում են երեխաների հետ նույն մահճակալին: Փորձագետները հավաստում են, որ այդ երևույթը մեծացնում է երեխաների մահացության վտանգը: Սակայն մանկաբույժների պաշտոնական այս դիրքորոշման մեջ շտկումներ կարող է մտցնել գիտնականների վերջին հետազոտությունը: Այս մասին գրում է The Daily Mail-ը:

«Երեխան պետք է քնի մոր հետ մինչև 3 տարեկան: Ոսումնասիրությունները ցույց են տվել, որ այն երեխաները, ովքեր քնում են մոր կրծքին հենված, ավելի երկար են քնում, նրանց սիրտը 3 անգամ ավելի քիչ է սթրեսի ենթարկվում:

Իսկ երբ երեխան քնում է իր մահճակալում նրա ուղեղը ավելի հազվադեպ է քնի`ակտիվ և հանգիստ տեսակների միջև անցում կատարում: Իսկ այդ անցումը կարևոր է գլխուղեղի նորմալ զարգացման համար: Բացառված չէ նաև հետագայում անքնությունը և սթրեսը»,-վստահեցնում է Քեյփթաունի համալսարանի բժիշկ Նիլս Բերգմանը :

Կյանքի առաջին շաբաթում երեխայի համար քնելու կատարյալ դիրքը մոր կրծքի վրա պառկած դիրքն է, հետո երեխան մինչև 3-4 տարեկան պետք է քնի մոր հետ նույն մահճակալին:

Մյուս կողմից, բրիտանական վիճակագրության համաձայն, երեխաների հանկարծակի մահացության անբացատրելի դեպքերի 2/3-ը տեղի է ունենում այն երեխաների հետ, ովքեր քնում են ծնողների հետ:

Հարցեր, պատասխաններ, մեկնաբանություններ