Նոր սարքը կարող է տնային պայմաններում հաշվարկել տղամարդկանց մոտ սպերմատոզոիդների քանակը. news.am

Sandstone Diagnostics ընկերության մասնագետները կրելի սարք են մշակել, որի օգնությամբ տղամարդիկ կկարողանան տնային պայմաններում հաշվարկել սպերմատոզոիդների քանակը: Trak-ն իրենից ներկայացնում է կրելի ցենտրիֆուգ, որից օգտվելը հեշտ է եւ պարզ: Հատուկ միանգամյա քարթրիջի մեջ անհրաժեշտ է փոքր քանակությամբ սերմնահեղուկ տեղադրել, ինչից հետո անհրաժեշտ է քարթրիջը տեղադրել ցենտրիֆուգի ներսում: 

Ցենտրիֆուգելուց հետո սերմնահեղուկը բաժանվում է մի քանի մասի, իսկ սերմնաբջիջները լցվում են նուրբ կոնտեյների մեջ` դրանում տեղավորվելով այնպես, ինչպես ջերմաչափում` սնդիկը: Կոնտեյներում նշաններ են արված, որոնք մատնանշում են սպերմատոզոիդների ցածր, միջին կամ բարձր քանակությունը:  

Հատուկ հավելված է մշակված նաեւ սմարթֆոնի համար, որը համադրելի է սարքի հետ. դրա օգնությամբ հնարավոր է պարզել սպերմատոզոիդների քանակության դինամիկան, ինչպես նաեւ համեմատել պոպուլյացիայում միջին ցուցանիշների հետ:

Trak սարքավորումն արդեն հավանության է արժանացել ԱՄՆ-ում օգտագործվելու համար: Առայժմ անհնար է ձեռք բերել, բայց մշակողները վստահ են, որ այն լայն տարածում կստանա. այժմ արդեն օգտատերերն իրենց համար պատվիրում են առաջին սարքերը, որպեսզի դրանք գնեն վաճառքի հանելուց անմիջապես հետո:

Հարցեր, պատասխաններ, մեկնաբանություններ