«Վիագրան» չի կարող օգնել բոլոր տղամարդկանց. գիտնականներ. 1in.am

Մի քանի հազար բրիտանացիների կյանքին հետևելով, գիտնականները եկել են այն եզրահանգման, որ «Վիագրան», ինչպես նաև այլ դեղորայքներ օգնում են պայքարել իմպոտենցիայի դեմ ոչ բոլոր տղամարդկանց, իսկ այդ մասին արտադրողները պետք է գրեն դեղորայքի գովազդում ու նկարագրության մեջ, գրում է International Journal of Impotence Research ամսագիրը:

Բացի այդ, պազվել է, որ այս դեղորայքն օգտագործող տղամարդիկ հաճախ տառապում են արյան բարձր ճնշմամբ կամ շաքարախտով, հայտարարում են Մանչեսթերի համալսարանի գիտնականները՝ նշելով, որ բժիշկները պետք է ավելի մանրամասն հիվանդներին բացատրեն դեղորայքի կողմնակի ազդեցությունների մասին:

Գիտնականների խումբը պարզել է, որ դեղորայքն ամենակարող չէ, և չի օգնում մեծ թվով հիվանդների:

Ուսումնասիրության արդյունքները ցույց են տվել, որ, չնայած սեռական օրգանների աշխատանքի բարելավման, «Վիագրա» օգտագործող տղամարդկանց 20%-ը բավարարված չեն եղել իրենց սեռական կյանքով, օրգազմի հետ կապված խնդիրներ են ունեցել և նույնիսկ հայտնել են, որ զուգընկերուհու հետ հարաբերությունները վատացել են:

Այս բացահայտումը խոսում է այն մասին, որ «Վիագրան» չի հանում հոգեբանական խնդիրները, որոնք իր մեջ կրում է իմպոտենցիան: Այդ պատճառով էլ սեքսոլոգները պետք է ո՛չ միայն դեղորայք նշանակեն, այլև հիվանդին հոգեբանական աջակցություն առաջարկեն:

Հարցեր, պատասխաններ, մեկնաբանություններ