Տղամարդիկ ավելի շուտ են քաշ կորցնում, քան կանայք. գիտնականները պարզել են, թե ինչու. tert.am

Գիտնականները պարզել են, որ տղամարդիկ ավելի արագ են քաշ կորցնում, քան կանայք։ Այս մասին հայտնում է DailyMail-ը։ Հօգուտ տղամարդկանց այդ տարբերությունը սակայն շատ մեծ չէ։

Պատճառը ոչ թե գենետիկան է, այլ տղամարդկանց և կանանց տարրական տարբերությունները՝ նիստուկացից սկսած մինչև մարմնի առանձնահատկություններ. տղամարդկանց մարմնում մկանային զանգվածն ավելի մեծ է, ըստ այդմ էլ՝ նույնիսկ բազմոցին նստած տղամարդիկ կարող են կալորիաներ «վառել»։ Մյուս կողմից՝ կանայք, որպես կանոն, ավելի ակտիվ են նրգրավված սննդի պատրաստման գործում և հակված են ընթացքում «փորձելու»։ Պարզվել է նաև, որ կանայք հուզական կապ ունեն սննդի հետ. նրանք օրինակ ձանձրույթը և ընկճվածությունը հաղթահարում են ուտելիքի միջոցով։

Պարզվել է նաև, որ այս միտումը կայուն է՝ անկախ տղամարդկանց և կանանց պահպանած դիետայից։

Գիտնականների ուսումնասիրության հիմքում քաշ կորցնելու մասին 49 հետազոտությունների վերլուծությունն է։ 

Հարցեր, պատասխաններ, մեկնաբանություններ