Գիտնականները պարզել են տղամարդկանց ավելորդ քաշ հավաքելու պատճառը

Ամերիկյան գիտնականներն ապացուցել են, որ ուշադրության բացակայության համախտանիշով տղաներն ավելի հաճախ են հասուն տարիքում տառապում ճարպակալումից:

Ըստ Daily Mail-ի, գիտափորձին մասնակցել է 40-ամյա տղամարդկանց 2 խումբ: Պարզվել է, որ նման սինդրոմով տղամարդիկ 8.6 կգ ավելի ծանր են մյուսներից: Ուշադրության բացակայության համախտանիշ ունեցող խումբը կշռել է միջինը 96.6 կգ: 41%-ը տառապել է ճարպակալումից: Իսկ ահա երկրորդ խմբի միջին քաշը եղել է 88 կգ:

Գիտնականները ենթադրում են, որ հոգեբանական խանգարման եւ ճարպակալման միջեւ կապ կա: Նման սինդրոմով երիտասարդները կարող են ավելի ակտիվ լինել ուտելու հարցում եւ ավելի երկար ժամանակ անցկացնել համակարգչի առջեւ: Փորձագետները ծնողներին խորհուրդ են տալիս ուշադիր հետեւել գերակտիվ եւ ուշադրության բացակայության համախտանիշ ունեցող երեխաների քաշին:

Հարցեր, պատասխաններ, մեկնաբանություններ