Ինչու են կանայք օրգազմ ապրում, եթե այն անհրաժեշտ չէ բեղմնավորման համար. news.am

Տղամարդկանց օրգազմն անհրաժեշտ է սպերմատոզոիդների ժայթքման եւ երեխա բեղմնավորելու համար, սակայն կնոջ օրգազմը բեղմնավորման վրա ոչ մի կերպ չի ազդում: Այդ դեպքում ինչու այն գոյություն ունի բնության մեջ: Այդ հարցի պատասխանն առաջին տարին չէ որ փորձում են պատասխանել գիտնականները: Դրան փորձել են պատասխանել Գյունտեր Վագները եւ Միխաելա Պավլիչեւան Յեյլի համալսարանից: 

JEZ-Molecular and Developmental Evolution-ում հրապարակված հոդվածում նրանք փորձել են պարզել կանացի օրգազմի դերն էվոլյուցիայի մեջ: Նրանց կարծիքով, կանացի օրգազմը յուրահատուկ ատավիզմ է, որն անցյալում նպաստել է օվուլյացիային եւ զուգավորման ընթացքում սեռական բջիջների արտադրությանը:

Իրենց հետազոտության ընթացքում գիտնականներն ուսումնասիրել են, թե ինչ է տեղի ունենում կնոջ օրգանիզմում օրգազմի ընթացքում` համեմատելով զուգավորման ընթացքում կապիկների եւ այլ կաթնասունների էգերի մասին ստացված տեղեկությունները: Պարզվում է, որ կանացի օրգազմի ընթացքում արյան մեջ մի շարք հորմոնների արտանետում է կատարվում, այդ թվում` պրոլակտինի, որը մարմինը նախապատրաստում է սաղմի զարգացմանը: Նման մի բան է տեղի ունենում կաթնասունների էգերի որոշ տեսակների հետ օվուլյացիայի ժամանակահատվածում, որը կախված է տարվա եղանակից կամ իր կողքին արուի առկայությունից:

Ժամանակակից կանանց օվուլյացիան կախված է այդ բոլոր գործոններից, սակայն բացառված չէ, որ անցյալում օվուլյացիան տեղի է ունեցել արուի տեսքից, ոչ այնպես, ինչպես ներկայում:  Այդ դեպքում օրգազմը կարող էր նպաստել օվուլյացիային` բեղմնավորմանը պատրաստ ձվաբջջի առաջացմանը: 

Ժամանակի ըմթացքում, սակայն, կանանց մոտ շրջափուլային օվուլյացիաներ են սկսվել, միաժամանակ կանացի օրգազմը կորցրել է այն իմասը, որն ի սկզբանե բնության կողմից դրված էր դրա մեջ:

Նշենք, որ այլ գիտնականներ պնդում են, որ այսօր էլ կանացի օրգազմը նպաստում է արդյունավետ բեղմնավորմանը, որովհետեւ կոնքային մկանների կծկումները սպերմատոզոիդներին օգնում են վեր բարձրանալ` դեպի ֆալոպյան փողերը: Սակայն դեպքերի մեծ մասում կինը կարող է նաեւ առանց օրգազմի երեխա սաղմնավորել:

Հարցեր, պատասխաններ, մեկնաբանություններ