Կարմիր մրգերը հատկապես օգտակար են կանանց համար. գիտնականներ. 1in.am

Գիտնականները պարզել են, որ նարնջագույն և կարմիր մրգերի ու բանջարեղենի օգտագործումը երիտասարդ աղջիկներին հետագայում ակտիվորեն պաշտպանում է «կանանց վերաբերող խնդիրներից»: Հետազոտությունը ցույց է տվել, որ երիտասարդ տարիներին աղջիկները ինչքան շատ ուտեն այդպիսի պտուղներ, այնքան ավելի ամուր առողջություն կունենան հասուն տարիքում, հայտնում է ladyhealth.com.ua-ը:

Հարվարդի հասարակական առողջապահության դպրոցի հետազոտողները վերլուծել են, թե նարնջագույն և կարմիր պտուղների օգտագործումը ինչպես է կապված կանանց տարիքի հետ և այնպիսի լուրջ հիվանդության, ինչպիսին կրծքագեղձի քաղցկեղն է:

Հայտնի է, որ պտուղներն այդ գույնը ստանում են կարոտինոիդների շնորհիվ, որոնք ունեն հակաօքսիդանտային հատկություններ և օրգանիզմը պաշտպանում են ազատ ռադիկալների վնասակար ազդեցությունից:

Երկարատև փորձերի արդյունքում պարզվել է, որ նրանց մոտ, ովքեր սիրում են ուտել մեծ քանակությամբ բետա-կարոտինով հարուստ պտուղներ, բարորակ ուռուցքներ ունենալու հավանականությունը նվազում է կիսով չափ այն կանանց համեմատությամբ, ովքեր քիչ են օգտագործել այդպիսի մթերքներ:

Հարցեր, պատասխաններ, մեկնաբանություններ