Նոր թեստը հնարավորություն կտա վաղ շրջանում ախտորոշել կրծքագեղձի քաղցկեղը. 1in.am

Օքսֆորդի համալսարանի գիտնականները չափել են օրգանիզմում ցինկի տատանումները: Նրանք ցանկացել են պարզել, կարելի է արդյոք նման տատանումներով նկատել կրծքագեղձի քաղցկեղի զարգացումը, գրում է Science World Report-ը: Ուսումնասիրությանը մասնակցել են կրծքագեղձի քաղցկեղով հիվանդ՝ հինգ և առողջ՝ հինգ մարդ:‏

Մասնագետները հետևել են ցինկի իզոտոպային բաղադրությանը: Նրանք վերլուծել են արյան մեջ ցինկի բաղադրությունը: Ուռուցքը փոփոխել է մետաղի մշակման միջոցները, իսկ դա իր հերթին, ազդել է դրա բաղադրության վրա:

Այսպես, արյան որոշակի հետազոտություները բժիշկներին հնաավորություն կտան վաղ շրջանում բացահայտել կրծքագեղձի քաղցկեղը:

«Կրծքագեղձի հյուսվածքներում շատ ցինկ կա: Առայժմ հայտնի չէ, թե դա ինչի հետևանքով է: Մեր ուսումնասիրությունը ցույց է տվել, որ ցինկը կարող է նոր կենսացուցիչ դառնալ՝ կրծքագեղձի քաղցկեղն ախտորոշելիս»,- ասել է ուսումնասիրության ղեկավար Ֆիոնա Լարները:

Հարցեր, պատասխաններ, մեկնաբանություններ