Հղիության շրջանում կոսմետիկա օգտագործելը նվազեցնում է երեխայի մտավոր զարգացումը. 1in.am

Կոլումբիայի համալսարանի բժիշկների ուսումնասիրությունը ցույց է տվել, որ կանանց համար նախատեսված կոսմետիկ միջոցներում գործածվող քիմիական նյութերն աղետալի ազդեցություն են թողնում ապագա երեխայի ինտելեկտի վրա:

Բժիշկ Փեմ Ֆեքթոր-Լիտվակը նշում է, որ ԱՄՆ-ի ամբողջ տարածքում հղի կանայք ենթարկվում են ֆտալատների ազդեցությանը, ինչն էլ իր հետքն է թողնում ապագա երեխայի IQ-ի վրա:

Հետազոտողներին միշտ էլ հետաքրքրել են ֆտալատների երկու տեսակ` դիբուտիլֆտալատը և դիիզոբուտիլֆտալատը: Դրանք հանդիպում են անձնական հիգիենայի և արտաքինը խնամելու համար նախատեսված պարագաներում:

Պարզվել է, որ այն դեպքերում, երբ մայրերը ենթարկվել են 25 տոկոս կոնցենտրատներով ավելի ֆտալատների ազդեցությանը, նրանց երեխաների IQ-ն 6.6-6.7 մակարդակով ավելի քիչ է եղել, քան նրանց հասակակիցներինը:

Հարցեր, պատասխաններ, մեկնաբանություններ