Հղիության ընթացքում օրական երկու բաժակ սուրճ օգտագործելը մեծացնում է երեխայի սակավարյունության հավանականությունը. ankakh.com

Յուրաքանչյուր օր երկու բաժակ սուրճ խմող հղի կանայք իրենց երեխաներին սակավարյունություն ունենալու վտանգի տակ են դնում:
Հետազոտության արդյունքում պարզվել է, որ հիղության ընթացքում սուրճ օգտագործող կանանց երեխաների մոտ մանկության տարիներին սակավարյունություն ունենալու հավանականությունը 60 տոկոսով աճում է:
 
Գիտնականները հայտնում են, որ կառավարությունը պետք է նախազգուշացնի հղի կանանց սուրճի օգտագործումը սահմանափակելու վերաբերյալ, ինչպես որ զգուշացնում են ալկոհոլի և ծխախոտի օգտագործման վտանգների մասին:
 
Փորձագետները կարծում են, որ կոֆեինը փոխում է պտղի բջիջների ԴՆԹ-ն, որից հետո դրանք ավելի հակված են դառնում ուռուցքների զարգացման նկատմամբ:
 
Հետազոտողները դիտարկել են արդեն իրականացված ավելի քան 20 հետազոտությունների արդյունքներ և պարզել, որ հղիության ընթացքում սուրճ օգտագործած կանանց երեխաների մոտ սակավարյունության հավանականությունը 20 տոկոսով աճում է: Իսկ երկու բաժակից ավել օգտագործման դեպքում սակավարյունության հնարավորությունը աճում է 60 տոկոսով:
 
Չորս և ավել բաժակ սուրճ օգտագործող կանանց երեխաների մոտ հիվանդության հավանականությունը աճում է 72 տոկոսով: Հետազոտության արդյունքները հրապարակվել են Մանկաբարձության և գինեկոլոգիայի ամերիկյան ամսագրում:

Հարցեր, պատասխաններ, մեկնաբանություններ