Իսպանացի գիտնականները հաջողությամբ փորձարկել են մեղվի թույնը`որպես կրծքագեղձի քաղցկեղի բուժման միջոց. tert.am

Բարսելոնայի կենսաբժշկական հետազոտությունների ինստիտուտի հետազոտողները հաջողությամբ փորձարկել են մեղվի թույնը` որպես կրծքագեղձի քաղցկեղի բուժման միջոց: Մեղվի թույնն իր հակաուռուցքային ազդեցությունն է դրսևորում  բջջային համակարգում: Այս մասին հաղորդում է Meddaily.ru-ն՝ հղում կատարելով Science Daily-ին:

Ակնհայտ է, որ քաղցկեղի դեմ գործող բոլոր ստանդարտ դեղամիջոցները բուժումից հետո լուրջ հետևանքներ են թողնում, բացի այդ` քաղցկեղի բջիջները կարողանում են հարմարվել դրանց, ու երկարատև բուժման արդյունքում ձեռք են բերում արտահայտված կայունություն:

Այդ տեսանկյունից մեղվաթույնից ստացված նյութը, որ  պեպտիդ է կոչվում, բավականին հեռանկարային զարգացում է ակնկալում: Նրա գործողության հետևանքով ոչնչանում են կրծքագեղձի քաղցկեղի բջիջները:

Պեպտիդը բջջային թաղանթի ամբողջականությունն է խախտում: Վնասված բջջաթաղանթից  ներխուժելով բջիջ այն ոչնչացնում է քաղցկեղային բջիջների գենետիկական նյութը: Հայտնաբերված պեպտիդը շրջանցում է  առողջ հյուսվածքները և իր անմիջական ազդեցություն է գործում միայն ուռուցքների վրա:

Հարցեր, պատասխաններ, մեկնաբանություններ