Կնոջ եւ տղամարդու միջեւ հարաբերություններում կարեւոր նշանակություն ունի հասակը

Ռեյսի համալսարանի ամերիկացի հետազոտողները Հյուսիսային Թեքսասի համալսարանի աշխատակիցների հետ համագործակցելով պարզել են, որ գեղեցիկ սեռի ներկայացուցիչներն իրենց ավելի ապահով են զգում բարձրահասակ տղամարդկանց կողքին:

Գիտնականները բացատրում են. նման ցանկությունը պայմանավորված է նրանով, որ բարձրահասակ տղամարդու կողքին կինն իրեն պաշտպանված է զգում, ինչի պահանջը գենետիկորեն է դրված:

Որոշ կանայք հարցման ընթացքում հայտարարել են, որ իրենց դուր չի գալիս «տղամարդու աչքերը տեսնելու համար ներքեւ նայել», մյուսները բողոքել են, որ ոչ բարձրահասակ ուղեկցի պատճառով չեն կարող բարձրակրունկ կոշիկներ հագնել, գեղեցիկ գրկախառնվել եւ այլն: Այդ կերպ, կնոջ համար կարեւոր է հարցի էսթետիկ կողմը, այն ժամանակ, երբ տղամարդու համար մեծ հաշվով միեւնույնն է կանանց հասակը:

Տղամարդկանց միայն 13 տոկոսն է խոստովանել, որ զուգընկերուհու հասակն իր համար նշանակություն ունի, հաղորդում է «Ռոսիա-24»-ը:

«Երբ տղամարդը կնոջից հասակով բարձր է, զույգում ամեն մեկը կատարում է իր դերը. տղամարդը պաշտպանում ու իշխում է, կինը ենթարկվում է, ջերմություն ու քնքշանք տալիս»,- համարում է պրոֆեսոր Ջորջ Յասնին Հյուսիսային Թեքսասի համալսարանից: Գիտնականը սա բացատրում է ավանդական սոցիալական պահանջմունքներով ու գենդերային կարծրատիպերով, որոնք տարիների ընթացքում դաստիարակվել են գեղեցիկ սեռի ներկայացուցիչների եւ ուժեղ սեռի ներկայացուցիչների շրջանում:

Հարցեր, պատասխաններ, մեկնաբանություններ