Գիտնականները բացահայտել են կանանց մասին գլխավոր առասպելներից մեկը

Համարվում է, թե կանայք հաճախ են դիմում այսպես կոչված կանացի ինտուիցիայի օգնությանը: Սակայն Հերթֆորդշիրի համալսարանի գիտաշխատողները կարծում են, թե կանացի ինտուիցիան ոչ այլ ինչ է, քան առասպել:

Գիտնականները փորձն իրականացրել են 15 հազար կանանց եւ տղամարդկանց մասնակցությամբ: Մասնակիցների մեծ մասը սկզբում ասել է, թե ուժեղ ինտուիցիա ունի:

Փորձի ընթացքում կամավորներին առաջարկել են դիտել ծիծաղող մարդկանց լուսանկարներ եւ պարզել, թե ով է անկեղծ ժպտում, ով՝ կեղծ:

Արդյունքում շոշափելի տարբերություն չի նկատվել կանանց եւ տղամարդկանց պատասխաններում: Հավասար թվով կանայք եւ տղամարդիկ ճիշտ պատասխաններ են տվել, այսինքն՝ նույնպիսի ինտուիցիա ունեն: Թեեւ գիտնականներն այդ երեւույթն անվանում են ոչ թե ինտուիցիա, այլ կենսափորձ, որի շնորհիվ մարդու մոտ զարգանում է իրադարձությունները վերլուծելու եւ համապատասխան եզրակացություններ անելու հմտություն, հաղորդում է «ԵվրոՍՄԻ»-ն:

Հարցեր, պատասխաններ, մեկնաբանություններ