Դեղորայքն առավել վտանգավոր է կանանց, քան տղամարդկանց համար

Հակադեպրեսանտները մի շարք վատ հետևանքներ են ունենում մարդկանց վրա: Ինչպես ցույց է տվել վերջին հետազոտությունը, այդ ազդեցությունը կարող է երևալ մեծ մասամբ հղի կանանց վրա: Նման դեղերից բարձրանում է նրանց արյան ճնշումը, և մեծանում է վաղաժամկետ ծննդաբերության վտանգը: Իսկ երեխաները բախվում են աճի խնդիրների հետ և նվազում է IQ ցուցանիշը:

Հարվարդի համալսարանի աշխատակիցները ևս վերջերս հակադեպրեսանտները կապել են վիժելու հավանականության, ինչպես նաև՝ աուտիզմի հետ: Ինչպես հաղորդում է The Daily Mail-ը, բուժաշխատողները քիչ են տեղեկացված ոչ միայն հակադեպրեսանտների, այլև ցավազրկողների առաջացրած վտանգի մասին, քանի որ դեղորայքի մեծամասնությունը փորձարկվում է տղամարդկանց վրա:

Բանն այն է, որ տղամարդիկ ամսական հորմոնալ փոփոխություններ չունեն: Դա հեշտացնում է հետազոտողների խնդիրը և արագացնում է շուկա դեղորայքի դուրս բերումը: 

Ընդհանուր առմամբ, եթե կանայք ավելի շատ են տուժում դեղերից, դա նշանակում է, որ դեղորայքը չի փորձարկվել կանանց վրա, կամ էլ նրանց օրգանիզմն այլ կերպ է արձագանքում դեղորայքի ազդեցությանը։

Հարցեր, պատասխաններ, մեկնաբանություններ