Կոմպակտ «շրթներկ» թեստը` հղիանալու լավագույն ժամանակը ճշտելու միջոց

Մեծ Բրիտանիայում վաճառքում են հայտնվել Maybe Baby կոմպակտ հավաքածուներ, որոնք թույլ են տալիս, ըստ թքի, անձամբ որոշել ձվազատման ժամանակը: Այս մասին գրում է The Daily Mail-ը: Սովորաբար դա արվում է մեզի միջոցով՝ պարզելու լյութեինիզացնող հորմոնի պարունակության բարձրացումը: Դա տեղի է ունենում ձվազատումից 1-2 օր առաջ:

40 ֆունտ արժեցող «հեղափոխական» արտադրանքը արտաքուստ նման է շրթներկի: Այն, ըստ թքի, չափում է կնոջ աղի և էստրոգենի ցուցանիշները և հնարավորություն ընձեռում` իմանալու, թե երբ է բեղմնավորվելու առավել լավ ժամանակը: Ճշգրտութունը 98 տոկոս է:

Թեստը ստեղծվել է շնորհիվ Թուրինի համալսարանի աշխատանքի: Իտալացի մասնագետները պարզել են, որ չորացած թքի վրա առկա են էստրոգենի հետքեր, սակայն թեստը կարող է դրանք ի հայտ բերել 10-15 րոպեում:

Բավական է լիզել ապակին, այնուհետև սեղմել կոճակ: Վառվող լույսի ներքո կերևա հորմոնի բարձր պարունակության և մոտալուտ ձվազատման մասին վկայող բնորոշ պատկերը:

Հարցեր, պատասխաններ, մեկնաբանություններ