ԲոտոՔսի ներարկումները կանանց երջանկացնում են. գիտնականներ

ԲոտոՔսի ներարկումներն օգնում են կանանց պայքարել ընկճախտի դեմ: Raut.ru–ն տեղեկացնում է, որ այսպիսի եզրահանգման են եկել շվեյցարական Բազելի համալսարանի գիտնականները: 

Հետազոտությունների արդյունքների համաձայն՝ այն 15 կանանց մոտ, որոնց բոտոկս է ներարկվել, ընկճախտային ախտանիշները 6 շաբաթվա ընթացքում կրճատվել են 47 %-ով: Նույնիսկ 16 շաբաթ անց նրանց մոտ պահպանվել է բարձր տրամադրությունը:

Գիտնականներն այս հանգամանքը բացատրում են նրանով, որ դեմքը խոժոռելու հնարավորություն չունենալու դեպքում մարդիկ դառնում են երջանիկ: Չէ՞ որ դեմքի մկանային համակարգը ոչ միայն արտահայտում է զգայական ներաշխարհը, այլ նաև կարգավորում է հոգեվիճակը: Երբ մկանները, որոնց միջոցով դեմքը խոժոռվում է, կաթվածահար վիճակում են, փոխադարձ կապն ուղեղի և դեմքի մկանների միջև ընդհատվում է։ 

Հարցեր, պատասխաններ, մեկնաբանություններ