Նիհար մարմնի կերպարը որպես իդեալ գոյություն ունի որոշ մարդկանց գեներում

Եթե կինը սոցիալական ճնշման ներքո մշտապես մտածում է` ինչպես նիհարել, նրա գիտակցությունը փոխել հնարավոր չի լինի: Հետազոտությունը ցույց է տվել, որ նիհարելու ձգտումը պայմանավորված է գեներով, հայտնում է РИА Новости-ն:

Պարզվում է` ուրիշի կարծիքն առանձնապես կարևոր է որոշ մարդկանց համար: Երբ մարդն ուրիշի դատողություններն ու գնահատականներն ընդունում է որպես սեփական, դա իդեալական ինտերնալիզացիա է, ասում է Ջեսիկա Սուիսմանը Միչիգանի համալսարանից: Հենց այս երևույթի հետ էլ հետազոտողը կապում է գեների աշխատանքը:

Կատարվել է փորձ, որին մասնակցել է 12-22 տարեկան իգական սեռի երկվորյակների ավելի քան 300 զույգ (նրանց բաժանել են երկու խմբի` միձվանի երկվորյակներ և նրանք, որոնք գեների միայն 50% ընդհանրություն ունեն): Հետազոտողներին հետաքրքրել է, թե կամավորները որքանով են ցանկանում նմանվել ամսագրերի շապիկների և ֆիլմերի նիհար հերոսուհիներին:

Արդյունքում` միձվանի երկվորյակներն ունեցել են թեստերի մոտավորապես նույն արդյունքները, ինչը չի կարելի ասել երկձվանի երկվորյակների մասին: Ստացվել է, որ 43% դեպքերում իդեալական ինտերնալիզացիան պայմանավորված է եղել գեներով: Նշանակում է` կանայք նիհարության վերաբերյալ տարբեր պատկերացումներ ունեն գեների պատճառով:

Հարցեր, պատասխաններ, մեկնաբանություններ