Տղամարդիկ եւ կանայք աշխարհն իսկապես տարբեր կերպ են տեսնում

Գիտնականներն ապացուցել են, որ տղամարդիկ եւ կանայք աշխարհն իսկապես տարբեր կերպ են տեսնում. տարբեր սեռերի ներկայացուցիչների ուղեղում գույնի ընկալումը խիստ տարբեր է:

Հետաքրքիր արդյունքներ են ստացել Նյու Յորքի համալսարանի գիտնականները: Փորձի նորմալ, առանց շեղումների տեսողության տեր մասնակիցներին ցույց են տվել լույսի բռնկում` խնդրելով նշել տեսած գույները: Արդյունքում պարզվել է,  որ տղամարդիկ մեծ դժվարությամբ են տեսնում դեղինի, կանաչի եւ կապույտի երանգային նուրբ տարբերությունը:

Դա ոչինչ չի փոխում, բայց ավելի լավ է սենյակի պատերի ներկի գույնի ընտրությունը վստահել կանանց, գրում է  NEWSru.com-ը:

Ընկալման տարբերությունների պատճառը աչքի կառուցվածքի տարբերությունը չէ, այլ ուղեղի գործառույթով է պայմանավորված:

Բացի այդ, պարզվում է, կանայք ոչ միայն սուր տեսողությամբ են օժտված, այլեւ ավելի լավ լսողություն ունեն, նաեւ` համի ու հոտի ավելի նուրբ զգացողություն:

Սակայն գյություն ունեն ոլորտներ, որտեղ տղամարդիկ առաջատար են. նրանց շարժվող օբյեկտների մանր դետալներն ավելի լավ է հաջողվում հայտնաբերել: Նախկինում այդ հատկանիշը մեր նախնիներին թույլ է տվել լավ որսորդներ դառնալ:

Հարցեր, պատասխաններ, մեկնաբանություններ