Կանայք ավելի շատ են հակված ուժեղ գլխացավեր ունենալու «կանացի» գենի պատճառով

Ավստրալիայի Գրիֆիթ համալսարանի մի շարք գիտնականներ ուսումնասիրությունների արդյունքում պարզել են, որ կանանց մոտ հաճախակի պատահող ուժեղ գլխացավերն ուղղակի կապ ունեն «կանացի» գենի հետ, գրում է UK News-ը:

Հենց այս փաստն էլ բացատրում է այն հանգամանքը, որ ուժեղ գլխացավերը հազվադեպ երևույթներ են տղամարդկանց համար, քանի որ նրանք զուրկ են այդ գենից: Բոլոր կանայք ունեն 2 հատ X քրոմոսոմ, իսկ տղամարդիկ ընդամենը մեկական X և Y քրոմոսոմներ: Գիտնակնները կանաց X քրոմոսոմների վրա գտել են մի հատված, որն էլ պատասխանատու է այդ գլխացավերի առաջացման համար: Նրանք նաև պարզել են, որ ուժեղ գլխացավի առաջացման համար անհրաժեշտ են մեկից ավելի X քրոմոսոմային գեներ, ինչը ևս վկայում է, որ տղամարդկանց մոտ դրանց ի հայտ գալը քիչ հավանական է:

Հետազոտական աշխատանքների ղեկավար Լին Գրիֆիթսն այս եզրակացմանն է հանգել` գենետիկ ուսումնասիրություն կատարելով Նորֆոլկյան կղզիների 300 բնակիչների վրա: Այս վայրը հատուկ է ընտրվել  ուսումնասիրությունների համար, քանի որ բնակիչների հարաբերականորեն փոքր գենային ֆոնդը հեշտացրել է գենետիկների աշխատանքը:

Պարզվել է, որ կանանց 12%-ը տառապում է կանոնավոր ուժեղ գլխացավերից, որոնք բուժման ենթակա չեն:

Հարցեր, պատասխաններ, մեկնաբանություններ