Մանկական քնի խախտման պատճառը մայրերի դեպրեսիան է. հետազոտություն

Գիտնականները պնդում են, որ մայրիկների դեպրեսիան (ընկճախտը) երեխաների մոտ կարող է առաջացնել քնի հետ կապված խնդիրներ, գրում է The Telegraph-ը:

Գիտնականները այս երևույթը բացատրում են այն հանգամանքով, որ դեպրեսիվ մայրերը խանգարում են իրենց երեխաների քունը՝ արթնացնելով և կերակրելով նրանց, հաճախ նաև տեղափոխելով իրենց անկողին, որովհետև նրանք էմոցիոնալ սփոփանքի կարիք ունեն:

Փենսիլվանիայի համալսարանի հոգեբանության պրոֆեսոր Դուգլաս Թեթին նշել է. «Այս հետազոտությունը հնարավորություն է տալիս պատկերացնելու, թե ինչպես է մայրական դեպրեսիան ազդում երեխայի գիշերային դաստիարակության վրա, և ինչպես է սխալ գիշերային դաստիրակությունն ազդում երեխայի քնի վրա»:

Այն մայրերի երեխաները, ում մոտ դիտվում է դեպրեսիայի ախտանիշների բարձր մակարդակ, քնի հետ կապված խնդիրներ ունեն:

Գիտնականները նախազգուշացնում են, որ քնի հետ կապված խնդիրները կարող են բացասական ազդեցություն ունենալ զարգացման տարբեր ասպեկտների վրա՝ այդ թվում էմոցիոնալ և վարքագծային:

Հարցեր, պատասխաններ, մեկնաբանություններ