Հղիության շրջանում հայ կանայք գերադասում են սոված մնալով նիհարել

Հղիության շրջանում շատ կանայք, առաջին հերթին, փորձում են պահպանել իրենց կազմվածքը, ինչը շատ սխալ է,- իր մտահոգությունը լրագրողներին հայտնեց Առողջության պահպանման և ընտանիքի պլանավորման կենտրոնի վերարտադրողականության բաժնի ղեկավար, ԵՊԲՀ-ի մանկաբարձության և գինեկոլոգիայի ամբիոնի դոցենտ Գեորգի Կիմի Պողոսյանը:

Մասնագետի փոխանցմամբ, հայ կանայք հղիության շրջանում քիչ են հետևում իրենց ֆիզիկական պատրաստվածությանը. գերադասում են սոված մնալ, նիհարել, քան մարզվել։

«Սա ստեղծում է խնդիրներ նախածննդյան և հետծննդյան շրջանում։ Այնինչ` անհրաժեշտ է մեծ ուշադրություն դարձնել ֆիզիկական պատրաստվածությանը հղիության ողջ ընթացքում, իսկ ծննդաբերության պահին կայուն լինել նաև հոգեպես»:

Ինչ վերաբերում է հղիների հագուստին և կոսմետիկ միջոցներին, ապա մասնագետը խորհուրդ տվեց չչարաշահել դրանց օգտագործումը և հղիության ընթացքում կրել հատուկ հղիների համար նախատեսված հագուստ։

Հարցեր, պատասխաններ, մեկնաբանություններ