Օդում առկա ծանր մետաղները վտանգավոր են նաև հղի կանանց համար

Վերջերս օդում կուտակված փոշու ամպերի պատճառով կտրուկ ավելացել էր ալերգոլոգիական դիսպանսերներ դիմողների թիվը, այսօր` լրագրողների հետ հանդիպմանը հայտնեց ալերգոլոգ Աստղիկ Բաղդասարյանը:

«Կարմիր փոշին» առավել վտանգավոր է շնչուղիների հետ խնդիրներ ունեցող, մասնավորապես` ասթմայով տառապող հիվանդների համար», - հավելեց նա:

Ալերգոլոգի փաստմամբ, փոշու այդպիսի կուտակումները վտանգավոր են նաև ծխող մարդկանց համար, քանի որ այդ մանր փոշու բացասական ազդեցությունը զգացնել է տալու արդեն տարեց հասակում:

Անդրադառնալով օդի աղտոտվածությանը` ալերգոլոգը նշեց, որ բացի փոշուց` օդում առկա են նաև ծանր մետաղների միացություններ, որոնք վտանգավոր են հատկապես երեխաների համար:

«Օրինակ Սյունիքի շրջանում կան շատ երեխաներ, ովքեր ունեն ուռուցքային հիվանդություններ»,- ասաց Բաղդասարյանը: Ալերգոլոգը հավելեց, որ ծանր մետաղները վտանգավոր են նաև հղի կանանց համար, քանի որ նրանք կարող են ծննդաբերել արատներ ունեցող երեխաներ:

Խոսելով գարնան ընթացքում առաջացող ալերգիկ հիվանդությունների մասին, ալերգոլոգը շեշտեց, որ առողջության համար առավել վտանգավոր են մոլախոտերը, որոնց ծաղկման շրջանը սկսում է ապրին և ավարտվում սեպտեմբերին: Ալերգիկ հիվանդություններ ունեցողներին ալերգոլոգը խորհուրդ տվեց նախապես պատրաստվել ալերգիայի սեզոնին` մեկ ամիս շուտ ընդունելով հակաալերգիկ դեղահաբեր:

Հարցեր, պատասխաններ, մեկնաբանություններ