Դիսպարեունիա՝ ցավոտ սեռական ակտ, որը խանգարում է ապրել միլիոնավոր կանանց. news.am

Դիսպարեունիան ցավով ուղեկցվող սեռական ակտ է, որով տառապում են բազմաթիվ կանայք, ովքեր, սակայն, չեն կիսվում իրենց խնդիրներով՝ չնայած այն հանգամանքին, որ այս խնդրի բուժումը շատ պարզ է եւ արդյունավետ, նշում են բրիտանացի գիտնականները:

«Շատ կարեւոր է հիշել, որ մենք կարող ենք օգնել, - նշում է բժիշկ Սարա Յավիսը, - կանայք պարզապես պետք է դիմեն մասնագետի օգնությանը, պատմեն իրենց խնդիրների մասին՝ առանց ամաչելու: Մենք կստուգենք վիրուսների կամ ինֆեկցիաների առկայությունը, ՈՒՁՀ կանցկացնենք, իսկ այնուհետեւ կուղեգրենք հիվանդին այն մասնագետի մոտ, որի կարիքը նա ունի»

Բժիշկ Յարվիսը նշում է, որ ցավով ուղեկցվող սեռական ակտը կարող է բազմաթիվ պատճառներ ունենալ, ներառյալ՝ հիվանդությունները, ինֆեկցիաները, ֆիզիկական կամ հոգեբանական խանգարումները: Հիմնականում դիսպարեունիայի պատճառ են դառնում դաշտանադադարով պայմանավորված փոփոխությունները:

Էսթրոգենի մակարդակի նվազումը հանգեցնում է հեշտոցի չորությանը: Այս խնդրի լուծման համար պետք է գել կամ քսուկ օգտագործել: Շատ արդյունավետ են նաեւ հեշտոցի խոնավացուցիչները:

Կանանց 90 տոկոսն առաջին ծննդաբերության ընթացքում բախվում է հեշտոցի հյուսվածքների վնասման խնդրի հետ: Երբեմն ցավով ուղեկցվող սեռական ակտը զարգանում է առաջին հղիությունից հետո մի քանի տարվա ընթացքում՝ մինչեւ դաշտանադադարի սկսվելը: Սպիացած հյուսվածքների խնդիրը սովորաբար լուծվում է վիրաբուժական միջամտությունների միջոցով, եւ այդ հյուսվածքները հեռացնում են: Միջամտությունն անց է կացվում տեղային ցավազրկմամբ: Կանայք շատ արագ են ապաքինվում:

Հարցեր, պատասխաններ, մեկնաբանություններ