Ավելորդ հետաքրքրասիրությունը վտանգավոր է. գիտնականներ. 1in.am

he Times of India-ի փոխանցմամբ՝ մարդը հետաքրքրասիրության շնորհիվ հասել է զգալի հաջողությունների: Սակայն հետաքրքրասիրությունը միշտ չէ, որ օգտակար է:

Վիսկոնսինի ու Չիկագոյի համալսարանների հետազոտողները պարզել են, որ Պանդորայի արկղի նման հետաքրքրասիրությունը մարդկանց ստիպում է որոնել պատասխաններ՝ չնայած անդառնալի բացասական հետևանքներին:

Գիտնականներն առաջ են քաշել մի հիպոթեզ, ըստ որի՝ հետաքրքրասիրությունը բխում է անորոշությունից ամեն գնով ձերբազատվելու մեծ ցանկությունից:

Իրենց հիպոթեզը ստուգելու համար հետազոտողները անցկացրել են մի շարք փորձեր: Հետազոտությունը ցույց է տվել, որ ավելորդ հետաքրքրասիրությունը ավելի շուտ նզովք է, քան բարիք: Հետաքրքրասիրության պատճառով մարդը միշտ չէ, որ գնահատում է իր գործողությունների հետևանքները: Այդպիսով, մարդկանց մոտ գոյություն ունի պակասող տեղեկատվություն հայթայթելու գայթակղություն, անգամ եթե արդյունքը վնաս է պատճառում:

Հարցեր, պատասխաններ, մեկնաբանություններ