Ինչպես կարելի է մարդկանց ստիպել այլևս չհետաձգել կարևոր գործերը. գիտնականներ. 1in.am

Հարավային Կալիֆոռնիայի և Միչիգանի համալսարանների հետազոտողները նոր փորձի ժամանակ 162 մասնակիցներին առաջարկել են պատկերացնել, որ պատրաստվում են կարևոր իրադարձության, օրինակ՝ հարսանիքի: Այս մասին հայտնում է Psych Central-ը:

Այնուհետև նրանց հարցրել են՝ թե երբ այդ իրադարձությունը տեղի կունենա: Առաջին խմբի համար նշել են օրերի ժամկետ, երկրորդի համար՝ ամիսների, երրորդի համար՝ տարիների: Առաջին խմբի մասնակիցներն ասել են, որ իրադարձությունը տեղի կունենա 29.6 օր շուտ՝ ի տարբերություն երկրորդ խմբի կամավորների։

Մեկ այլ փորձի ընթացքում 1100 մասնակիցներին հարցրել են՝ երբ կսկսեն փող հավաքել քոլեջի կամ թոշակի համար: Առաջին դեպքում կամավորներին ասել են՝ նրանք քոլեջ կընդունվեն 18 տարի հետո կամ 6570 օր հետո: Երկրորդ դեպքում որոշ մասնակիցներ համարել են, որ թոշակ իրենց սպասում է 30 կամ 40 տարի հետո: Մնացածներին ասել են՝ նրանք թոշակի կանցնեն 10950 կամ 14600 օր հետո:

Մասնակցիները ծրագրել են սկսել տնտեսել 4 անգամ ավելի արագ, երբ մտածել են օրեր հետո սպասվող իրադարձության մասին, ոչ թե՝ տարիներ: Բոլոր կամավորները հասկացել են, թե որքան կարևոր է փող կուտակելը: Սակայն նրանք, ովքեր մտածել են օրերի հեռավորության մասին, զգացել են, որ ապագան մոտ է: Ուստի նրանց մոտիվացիան ավելի ուժեղ է եղել:

Հարցեր, պատասխաններ, մեկնաբանություններ