Մի քանի խորհուրդ հոգնածությունը թոթափելու համար. 1in.am

Մեր կենսառիթմն այնքան հագեցած է, որ մենք չենք կարողանում օրվա ընթացքում հանգստանալ, իսկ քիչ հանգստանալու հետևանքով սկսում ենք հոգնածություն զգալ:

gogetnews.info-ն հոգնածության դեմ մի քանի խորհուրդ է տալիս.

Ինչպես արագ թոթափել հոգնածությունը, եթե հոգնել են ոտքերը

Եթե հոգնել են ոտքերը, մասնավորապես, բարձրակրունկների հետևանքով, ապա ոտնաթաթի արյան շրջանառությունը լավացնելու համար ոտքի մատները մի քանի անգամ սեղմել ու թույլ թողնել, ապա ոտնաթաթերով շրջանաձև շարժումներ կատարել: Եթե ոտքերում արտահայտված տաքություն կա, ապա կօգնի սառեցնող ազդեցություն գործող նրբաքսուկները:

Ինչպես հանել ձեռքերի հոգնածությունը

Կանգնել ուղիղ, ուղղվել, ձեռքերը ներքև իջեցնել ու թուլացնել դրանք, ապա թափահարել, դաստակներով կիսաշրջանաձև շարժումներ կատարել մերթ՝ մեկ, մերթ՝ մյուս կողմը:  Շնչելիս ձեռքերը սահուն բարձրացնել վեր, արտաշնչելիս իջեցնել ներքև, մի քանի անգամ:

Աչքերի հոգնածության դեմ

Աչքերի հոգնածությունը հաղթահարելու համար թարթել: Աչքերի համար նախատեսված մարզանք կատարել՝ նայելով մերթ՝ մոտիկ, մերթ՝ հեռու: Նայել աջ-ձախ, վերև-ներքև, մի քանի անգամ, ապա աչքերով ութ նկարել՝ մի քանի անգամ: Ի վերջո, մի քիչ նստել՝ աչքերը փակ:

Ինչպես հանել հոգնածությունը աշխատանքից հետո

Ընդունեք կոնտրաստային ցնցուղ: Նախ ընդունել տաք ջրով ցնցուղ, ապա՝ սառը կամ գոլ: Կոնտրաստային ցնցուղը թուլացնում է մարմինը, իսկ սառն այն առույգացնում է:

Հոգնածությունը թոթափելուն կնպաստի քնելը: Անգամ աշխատանքից հետո կես ժամ քնելը կվերականգնի ուժերը:

Իսկ ամենալավ տարբերակը մերսումն է. այն կթուլացնի լարված մարմինը:

Հարցեր, պատասխաններ, մեկնաբանություններ