Ինչպես թողնել անհրաժեշտ տպավորություն գույնի միջոցով. harmonia.am

Գույնը համարվում է հոգեհուզական վիճակի, խառնվածքի, բնավորության արտահայտման հիմնական տարրերից մեկը: Այս կամ այն իրն ընտրելիս մենք կարող ենք ռացիոնալ ձևով ինքներս մեզ պատճառաբանել այդ ընտրությունը, օրինակ` մոխրագույնը բազմաֆունկցիոնալ է, սևը նիհարեցնում է, սպիտակը տոնական է:Սակայն, նշենք, որ ենթագիտակցական մակարդակում այս կամ այն գույնի ընտրությունը շատ ավելի խորը դրդապատճառների մասին է վկայում, որոնք ահասարակ էսթետիկական  ընկալման հետ կապ չունեն: Գույնի միջոցով կարելի է տեղեկատվություն ստանալ անձի մասին, ինչպես նաև  կարելի է ստեղծել ցանկալի տպավորություն:

Դե  ի՞նչ կարող է պատմել մեզ գույնը…

Սպիտակ կրում են ինքնավստահ ու չզիջող մարդիկ, նրանց հատուկ է ավելի երիտասարդ լինելու ձգտումը:Նրանք կոկիկ են, կատարյալ ճաշակ ունեն:Նրանց հատուկ է նաև չափազանց մեծ քննադատությունը:Մոխրագույն.էլեգանտություն, կայունություն, խստություն, պրոֆեսիոնալություն, արժանապատվություն, բարձր ինտելեկտի, ինչպես նաև զգացմունքների ճնշման գույն:

Մոխրագույնն ընտրողները չեզոք են կյանքում, ձգտում են պաշտպանված լինել աղմկոտ աշխարհից ու չեն սիրում ուշադրություն գրավել:Նրանք աշխատասեր են, պահպանողական և  վստահելի:

Սև. խստության, ավտորիտարության և իշխանության  գույն է: Երբեմն վերջինս մռայլ աշխարհընկալման նշան է, իրականությունից ու անինքնավստահությունից փախչելու փորձ:Հագուստի սև գույնն այն կրողին հաղորդում է պաշտպանվածության զգացում:

Կանաչ. թարմության, բնականության, ներդաշնակության ու հանգստության   գույն է: Այն ընտրում են կայուն ու հավասարակշռված, սոցիալական ուղղվածություն  ունեցող, բարոյական, սկզբունքային մարդիկ:Նրանք առանձնանում են ինտելեկտի բարձր մակարդակով: Այս գույնը հատուկ չէ մարդկանց, ովքեր չեն սիրում վարվել այնպես, ինչպես բոլորը:Կապույտ. այս գույնը խորհրդանշում է կայունություն, հանգստություն, վստահություն և լրջություն

Կապույտ գույնը նախընտրող մարդիկ վստահության արժանի մարդիկ են: Նրանք կարող են արտաքնապես սառը թվալ, սակայն ներքուստ  շատ խոցելի են: Նրանք նրբորեն զգում են շրջապատողների կարիքները, հավատարիմ են  մարդկային հարաբարություններում, ձգտում են ներդաշնակության և հանգստության, ինչպես նաև նրանք  շատ պահպանողական են, զուսպ,պատասխանատու, պահանջկոտ և հուսալի:

Կարմիրը համարվում է լավատեսության ու վճռականության գույն: Զարմանալի չէ, որ այն նախընտրում են համարձակ մարդիկ: Նրանք ակտիվ են, իմպուլսիվ, երբեմն` նույնիսկ ագրեսիվ: Նրանք հիմնականում առաջնորդներ ու նորարարներ են:Կարմիր գույնը չընդունողները հաճախ են սթրես  ապրում, հոգնածություն ունենում կամ ճնշվում խնդիրներից: Նրանց հատուկ է արկածների մեջ ընկնելու վախը:Հաճախ են հանգստի կարիք զգում:

Վարդագույն. մաքրության ու նրբության գույն է: Այն զուգորդվում է անմեղության, զգացմունքայնության և երիտասարդության հետ:Այս գույնը նախընտրող մարդիկ ռոմանտիկ են, անկայուն, տաղանդավոր, նրանք տանել չեն կարողանում կոպտությունը:

Մանուշակագույն. ստեղծագործ, էքսցենտրիկ գույն: Այս գույնը նախընտրող մարդիկ առեղծվածային են, նրանք մշտապես լի են  ստեղծագործական  և ոգեղեն գաղափարներով:Նրանք գրավիչ են, սրամիտ, ինքնահավան, հաճախ են ունենում տրամադրության փոփոխություններ:Դեղին.  այս գույնը խորհրդանշում է շռայլություն, իմաստություն, կամքի ուժ, երախտապարտություն:Այս գույնը նախընտրում են լավատես, ակտիվ, կեսուրախ, եռանդուն, ընկերասեր, անկեղծ, զարգացած ստեղծագործական ձիրք ունեցող մարդիկ: Նրանք բնույթով իդեալիստ են, նրանց բնորոշ է կատարելության ձգտումն ու զարգացած ինտուիցիան:

Դեղին գույնի սիրահարները հավատարիմ ընկերներ են, ովքեր ձգտում են իրենց շուրջն ուրախություն տարածել: Ի հակադրություն նրանց` դեղին գույն չսիրողները թերահավատ մարդիկ են, ովքեր վախենում են հիասթափությունից և սովոր են երաշխավորված արդյունք ստանալ իրենց գործունեությունից:

Գազարագույն. այս գույնը սիրում են հատկապես երիտասարդները կամ էլ նրանք, ովքեր հոգեպես երիտասարդ են: Նրանք հակված են արկածախնդրության ու խանդավառության: Նրանք համառ են, սակայն դրա հետ մեկտեղ` անկայուն:

Շագանակագույն. այս գույնը խորհրդանշում է կայունություն ու վստահություն: Շագանակագույնը  նախընտրող մարդիկ վստահելի են, նրանց մոտ լավ է զարգացած պարտքի   և պատասխանատվության զգացումը, ինչպես նաև նրանք հավատարիմ են իրենց ընտանիքին և ընկերներին ու տանել չեն կարողանում մենակությունը:

Հարցեր, պատասխաններ, մեկնաբանություններ