Աչքերի շարժումները հնարավորություն են տալիս ազդել մարդու բարոյական ընտրության վրա. գիտնականներ. 1in.am

Հոգեբանները պարզել են, որ մարդու բարոյական փնտրտուքներն ուղղակիորեն արտացոլվում են նրա աչքերի մեջ եւ դրանց շարժման միջոցով կարելի է պարզել, թե ինչ ընտրություն կանի մարդը: Այն կարող է մանիպուլյացիայի հիմք դառնալ, ասվում է Proceedings of the National Academy of Sciences ամսագրում հրապարակված հոդվածում:  

Գիտնականները հետևել են կամավորների վարքագծին, որոնց հրավիրել են պարզագույն խաղ խաղալու՝ գնահատելու այս կամ այն արարքը, բարոյականությունը, որոնց մասին կամավորներին պատմել են ականջակալների և բարձրախոսի օգնությամբ: Յուրաքանչյուր նման սեանսի ժամանակ տեսախցիկներով հետևել են կամավորների գլուխների, ձեռքերի և մարմնի այլ մասերի շարժամնը:

Սեանսի որոշակի պահի մոնիտորների վրա հակասական արտահայտություններ են հայտնվել, իսկ տեսախցիկները հետևել են մասնակիցների աչքերի շարժումներին՝ պարզելու համար, թե որ մոնիտորի վրա կկանգնեն նրանց հայացքները:

Հենց այդ պահին էլ գիտնականները խնդրել են նրանց ընտրություն կատարել, որպեսզի պարզեն՝ արդյոք ընտրության վրա ազդում է այն, թե ինչի՞ վրա են այդ պահին նայում և ինչի՞ մասին են մտածում:

Փորձի արդյունքները ցույց են տվել, որ մեր բարոյական ընտրությունը մեծ մասամբ կախված է նրանից, թե ծանր ընտրությունից առաջ ինչի վրա ենք սևեռում մեր հայացքները: Այլ կերպ ասած՝ գիտնականներին հաջողվել է ազդել նրանց կարծիքների վրա՝ ստիպելով ընտրություն կատարել այն պահին, երբ նրանք անհրաժեշտ ուղղությամբ են նայել:

Հարցեր, պատասխաններ, մեկնաբանություններ