Արդյունավետ 9 հնարք ուղիղ հարցերից խուսափելու համար. tert.am

Ինչպես նշում է cluber.com-ը՝ նման հնարքների տիրապետում են քաղաքական գործիչները, հայտնի մարդիկ: Այդ հնարքներին սովորեցնում են նաև անվտանգության աշխատակիցներին, դրանք օգտագործում են պետությունների ղեկավարները:

Սովորեք ուղիղ պատասխաններից խուսափելու հնարքները, որպեսզի կարողանաք հակառակորդից առնվազն մեկ քայլ առաջ լինել և հարցին պատասխանելով՝ գրեթե ոչինչ չասել:

1. Պատասխան հարց
   Հարցին նմանատիպ կամ այլ ոլորտի հարցով պատասխանեք, թեկուզ ձեզ վատ դաստիարակված համարեն: Աստղերն ու քաղաքական գործիչներն այս կերպ են պատասխանում անցանկալի հարցերին:
   
   
2. Անպատասխան հարց
   Դուք կարող եք հարցն անպատասխան թողնել, եթե հարցը ոչ պատշաճ է ձևակերպված: Տպավորություն ստեղծեք, թե չեք լսել կամ չեք հասկացել՝ ինչի մասին է խոսքը: Հարցը հումորով համեմեք:
   
   
3. «Ջուր ծեծեք»
   Ինչպես ընդունված է ասել՝ «ջուր ծեծեք», եթե  օժտված եք պերճախոսության հմտություններով: Որքան շատ ձեզ չպարտադրող բառեր ասվեն, այնքան լավ: Ուղիղ հարցին այնպես պատասխանեք, որպեսզի շփոթեցնեք խոսակցին:
   
   
4. Պարզաբանող հարց
   Որքան հնարավոր է՝ շատ պարզաբանող հարցեր տվեք: Եվ դա դեմքի անկեղծ արտահայտությամբ արեք, որպեսզի դիմացինը վստահ լինի ձեր անկեղծ հետաքրքրվածության մեջ:
   
   
5. Հարցի պատճառը
   Կարողացեք հասկանալ զրուցակցի՝ նման հարց տալու պատճառը. դա կարող է ազնիվ կամ նսեմ լինել: Այդ կերպ դուք ձեր ուշադրությունը լիովին հակառակորդի վրա կսևեռեք:
   
   
6. Շողոքորթե´ք զրուցակցին
   Շողոքորթե´ք զրուցակցին, եթե չեք ցանկանում պատասխանել ուղիղ հարցին կամ պատասխան չունեք: Շողոքորթելը  ցանկացած դուռ բացելու արվեստն է:
   
   
7. Գովասանք
   Գովաբանե´ք զրուցակցին հնարամտության և խելքի համար և հմտորեն փոխեք խոսակցության ուղղությունը:
   
   
8. Քննարկում
   Հարցը վերածեք բանավեճի՝ դրա մեջ ներառելով նաև մյուսներին: Առաջարկեք քննարկել այդ հարցի ձևակերպումը, վերաձևակերպեք այն, խոսակցությունը սահուն կերպով հարցաքննությունից բանավեճի վերածեք:
   
   
9. Անտեսվածություն
   Անտեսե´ք անհարմար հարցը կամ հետևյալ կերպ պատասխանեք`«Ես չգիտեմ, ես չեմ մտածել այդ ուղղությամբ»: Ցույց տվեք զրուցակցին, որ դա ձեզ հետաքրքիր չէ: 

Հարցեր, պատասխաններ, մեկնաբանություններ