Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ասոցիացիաներ

Հայաստանի սրտաբանների ասոցիացիա

Հայաստանի սրտաբանների ասոցիացիա

Հայաստանի սրտաբանների ասոցիացիան (ՀՍԱ) հիմնադրվել է 1996 թ. և հանդիսանում է 1965 թ. գործող Հայաստանի սրտաբանների ընկերության իրավահաջորդը։

 

Ասոցիացիայի հիմնական նպատակն է Հայաստանի Հանրապետության ողջ տարածքում, Արցախում և սփյուռքում աջակցել անհատի առողջության ու բարեկեցության բարելավմանը, կյանքի երկարատևության բարձրացմանը` սրտաբանության խնդիրների լուծմանն ուղղված ծրագրերի մշակման ու իրականացման միջոցով: ՀՍԱ նախագահն է ՀՀ Գիտությունների ազգային ակադեմիայի ակադեմիկոս Կառլեն Գրիգորի Ադամյանը, որը 1979 թ. ի վեր ղեկավարում էր Հայաստանի սրտաբանների ընկերությունը։ Կառույցին անդամակցում են Հայաստանի, Սիրիայի, Լիբանանի, Հնդկաստանի մոտ 150 բժիշկներ։

 

Հայաստանի սրտաբանների ասոցիացիա

Ասոցիացիան իր գործունեության ողջ ընթացքում իր առջև նորանոր խնդիրներ է դնում և հաջողությամբ իրականացնում դրանք: Այսօր էլ, ՀՍԱ գործունեությունն ուղղված է առողջության պահպանմանն ու քաղաքացիների բուժօգնություն ստանալու հիմնական հավասար իրավունքների պաշտպանությանը, սրտային հիվանդությունների առաջնային և երկրորդային կանխարգելման միջոցառումների մշակմանն ու ներդրմանը, սրտաբանության և կից գիտությունների ասպարեզում, բժշկագիտության տեսական և առողջապահության գործնական հարցերի գիտական մշակմանը և այլն։

 

Մեծ գիտական ներուժ ունեցող կազմակերպությունը հսկայական նշանակություն է տալիս գիտաժողովների և սեմինարների կազմակերպմանն ու անցկացմանը, ինչպես նաև երիտասարդ մասնագետների դպրոցների ստեղծմանը։

 

Հայաստանի սրտաբանների ասոցիացիաՈրպես թվարկվածի վկայություն կարող են ծառայել ՀՍԱ կողմից կազմակերպված` Հայաստանի սրտաբանների III (Երևան, 2001 թ. մայիսի 26-27), IV (Երևան, 2003 թ. սեպտեմբերի 24-25) և V (Երևան, 2005 թ. սեպտեմբերի 29-հոկտեմբերի 1) գիտաժողովները, որոնց մասնակցել են նաև արտերկրից հրավիրված բազմաթիվ սրտաբաններ։ Հանդիսանալով մասնագետների համար հիանալի գիտական և գործնական դպրոց՝ այդ գիտաժողովները նպաստել են Հայաստանում սրտաբանության ոլորտում նոր և արդյունավետ սկզբունքների ներդրմանը։ 2007 թ. մայիսի 24-ից 26-ը նախատեսված է անցկացնել ՀՍԱ հերթական` VI գիտաժողովը, որին մասնակցելու ցանկություն է հայտնել Սրտաբանների եվրոպական միության նորընտիր նախագահ` իտալացի պրոֆեսոր Ռ. Ֆեռարին։

 

ՀՍԱ` հանդիսանալով Սրտաբանների եվրոպական միության լիիրավ անդամ, 1997 թ. սերտ կապեր է հաստատել եվրոպական մի շարք երկրների ազգային սրտաբանական ընկերությունների, այդ թվում Ռուսաստանի Դաշնության, Իտալիայի, Հունաստանի, Վրաստանի կազմակերպությունների հետ։ ՀՍԱ մասնակցությունը եվրոպական միության ղեկավար մարմինների աշխատանքներին հնարավորություն է ընձեռում քննարկել եվրոպական սրտաբանության արդի կազմակերպչական և գիտական խնդիրները և ներկայացնել սեփական տեսակետները։ Վերջին հինգ տարիների ընթացքում ՀՍԱ անդամները եվրոպական և համաշխարհային համաժողովներին ներկայացրել են ավելի քան 40 գիտական զեկույցներ։

 

Հայաստանի սրտաբանների ասոցիացիաՀՍԱ իր ուշադրության կենտրոնում է պահում Հայաստանում սրտաբանության ոլորտում ապացուցողական բժշկության սկզբունքների ներդրման խնդիրը` լայնածավալ աշխատանքներ տանելով հանրապետության սրտաբանների և հարակից մասնագետների շրջանում։ Մասնավորապես 2003 թ. իրականացվում է ապացուցողական բժշկության սկզբունքների հիման վրա սրտաբանության տարբեր բնագավառներին նվիրված գործնական ուղեցույցների շարքի հրատարակությունը։ Արդեն լույս են տեսել և հանրապետության սրտաբաններին անվճար բաժանվել «Քրոնիկ սրտային անբավարարություն» (2003 թ.), «Զարկերակային գերճնշում» (2005 թ.) ձեռնարկները։ Շարունակվում են կայուն կրծքահեղձուկին, սրտի ռիթմի խանգարումներին, դիսլիպիդեմիաներին վերաբերող մենագրությունների ստեղծման աշխատանքները։

 

ՀՍԱ այսօրվա աշխատանքի յուրահատկություններից է համագործակցությունը դեղագործական ընկերությունների հետ։ Հատկապես արդյունավետ է համագործակցությունը Pliva, Berlin-Chemie, Egis, GlaxoSmithKline, Nicomed, Roche, Servier, Solvay Pharma և այլ ընկերությունների հետ։

 

ՀՍԱ օրեցօր ընդլայնում է իր կազմակերպության առջև դրված խնդիրների շրջանակը։ Վերջին տարիներին ՀՍԱ գործունեության կարևորագույն ուղղությունն է սրտանոթային հիվանդությունների կանխարգելման ազգային ծրագրի ստեղծումը, ռիսկի գործոնների դեմ պայքարի ուժեղացումը։ ՀՍԱ անդամները հաջողությամբ իրականացնում են հետազոտություններ սրտաբանության ամենատարբեր ոլորտներում: Սա բժշկագիտությանը նվիրված մարդկանց սերտ համագործակցություն է, որի հաջողություններն արդեն տեսանելի են, իսկ ապագան` ավելի քան խոստումնալից։

Հեղինակ. Վահե Տեր-Մինասյան
Սկզբնաղբյուր. ՀՀ - Ամսագիր ''Ֆարմացևտ պրակտիկ'' 2-2007 (2)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ամերիկյան-ավստրիական հիմնադրամ և Բաց բժշկական ինստիտուտ. The American Austrian foundation
Ամերիկյան-ավստրիական հիմնադրամ և Բաց բժշկական ինստիտուտ. The American Austrian foundation

1984 թվականին իրենց երկրների միջև սերտ համագործակցություն հաստատել ձգտող մի խումբ ամերիկացի և ավստրիացի մասնագետներ հիմնադրեցին Ամերիկյան-ավստրիական հիմնադրամը...

Ապագա բժիշկ (1261-62) 4-5.2012 Մարտ
''Արմեդա'' մշակութային ակումբը
''Արմեդա'' մշակութային ակումբը

Շուրջ մեկ տարի է, որ Հայկական բժշկական ասոցիացիայի կազմում գործում է «Արմեդա» մշակութային ակումբը։ Այստեղ` Տերյան 72 հասցեում ազատ ժամանակ իրենց հանգիստն են անցկացնում ոչ միայն...

Ֆարմացևտ պրակտիկ 4-5.2008 (12)
Հայ օգնության ֆոնդ
Հայ օգնության ֆոնդ

Հայ օգնության ֆոնդը (ՀՕՖ) հիմնադրվել է 1988 թ. դեկտեմբերյան երկրաշարժից անմիջապես հետո ու վերջին 20 տարիներին ի թիվս այլ ծրագրերի իրականացրել է բժշկական ուղղվածության մի շարք ուշագըրավ...

Թվեր և փաստեր Ֆարմացևտ պրակտիկ 4-5.2008 (12) Իրադարձություններ Հայաստանում Հրատապ թեմա Հայաստանում
Հայկական բժշկական ասոցիացիան և ապացուցողական բժշկությունը
Հայկական բժշկական ասոցիացիան և ապացուցողական բժշկությունը

Շարունակելով ներկայացնել Հայկական Բժշկական Ասոցիացիայի (ՀԲԱ) գործունեությունը` ցանկանում ենք նշել, որ կազմակերպության առաջնակարգ կանոնադրական հիմնախնդիրներից է նաև Հայաստանում...

Թվեր և փաստեր Ֆարմացևտ պրակտիկ 1-2.2008 (10)
Հայկական քրիստոնեական բժշկական ասոցիացիա հասարակական կազմակերպություն
Հայկական քրիստոնեական բժշկական ասոցիացիա հասարակական կազմակերպություն

Մեր հյուրն է Հայկական քրիստոնեական բժշկական ասոցիացիա հասարակական կազմակերպության նախագահ Հալեպի բժշկական համալսարանի պրոֆեսոր Ջանի Հադդադը...

Ֆարմացևտ պրակտիկ 1-2.2008 (10) Բժշկի ընդունարանում Բժիշկներ
Հայաստանի բժիշկ-ուսանողների գիտական ասոցիացիա
Հայաստանի բժիշկ-ուսանողների գիտական ասոցիացիա

Հայաստանի բժիշկ-ուսանողների գիտական ասոցիացիան` (ՀԲՈՒԳԱ) հիմնադրվել է 1991 թ., իսկ արդեն 1994-ին պաշտոնապես գրանցվել է Հայաստանի Հանրապետության Արդարադատության նախարարության կողմից:...

Ֆարմացևտ պրակտիկ 11-12.2007 (8-9)
Ջինիշյան հիշատակի հիմնադրամ
Ջինիշյան հիշատակի հիմնադրամ

1966 թ. 95-ամյա Վարդան Ջինիշյանը և երիցական եկեղեցին (ԱՄՆ), վերջինիս հովանու ներքո որոշեցին ստեղծել բարեգործական հիմնադրամ` անվանելով այն Ջինիշյան հիշատակի հիմնադրամ՝ ի պատիվ...

Ֆարմացևտ պրակտիկ 9.2007 (6)
Հասարակական առողջության հայկական ասոցիացիա
Հասարակական առողջության հայկական ասոցիացիա

«Հասարակական առողջության հայկական ասոցիացիա» հասարակական կազմակերպությունը (ՀԱՀԱ) ոչ պետական կազմակերպություն է, որն իր գործունեության ավելի քան 10 տարիների ընթացքում զգալի ներդրում է ունեցել...

Ֆարմացևտ պրակտիկ 4-5.2007 (4-5)
Հայկական բժշկական ասոցիացիա. կլինիկական այցեր
Հայկական բժշկական ասոցիացիա. կլինիկական այցեր

Հայկական բժշկական ասոցիացիա հասարակական կազմակերպության հիմնական նպատակն է. իր գործունեությամբ նպաստել Հայաստանում բժշկագիտության և գործնական բժշկության զարգացմանը և արդի...

Ֆարմացևտ պրակտիկ 4-5.2007 (4-5)
Հայաստանի Մանկական հոգեբույժների և հոգեբանների ընկերություն
Հայաստանի Մանկական հոգեբույժների և հոգեբանների ընկերություն

Հիմնաադրրել է 1997 թ. որպես մասնագիտական հասարակական կազմակերպություն: Միավորում է հոգեբույժներին, հոգեբաններին և մանկական հոգեկան առողջության ոլորտի մասնագետներին...

Ֆարմացևտ պրակտիկ 3.2007 (3)
Հայաստանի երիտասարդ նյարդաբանների լիգա
Հայաստանի երիտասարդ նյարդաբանների լիգա

Մեր ժողովրդի համար խորհրդանշական ամսթվերից մեկը` սեպտեմբերի 21-ը, Հայկական բժշկական ասոցիացիայի (ՀԲԱ) համար դարձավ կրկնակի տոնական, քանզի 2006 թ. հենց սեպտեմբերի 21-ին հրավիրված...

Ֆարմացևտ պրակտիկ 2.2007 (2) Իրադարձություններ Հայաստանում
Հայկական բժշկական ասոցիացիա
Հայկական բժշկական ասոցիացիա

Հայկական Բժշկական Ասոցիացիան հիմնադրվել է 2002 թ. և համարվում է բժշկական և կենսաբժշկական կրթություն ունեցող, ինչպես նաև հանրային առողջության մասնագետ բժիշկների միություն,...

Ֆարմացևտ պրակտիկ 1.2007 (1)

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ