Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ասոցիացիաներ

Հայ օգնության ֆոնդ

Հայ օգնության ֆոնդ

Հայ օգնության ֆոնդը (ՀՕՖ) հիմնադրվել է 1988 թ. դեկտեմբերյան երկրաշարժից անմիջապես հետո ու վերջին 20 տարիներին ի թիվս այլ ծրագրերի իրականացրել է բժշկական ուղղվածության մի շարք ուշագըրավ նախագծեր։

 

Այսօր մեր երկրի առողջապահական համակարգի բազմաթիվ առաջատար մասնագետներ ժամանակին հենց ՀՕՖ-ի օժանդակությամբ են կարողացել վերապատրաստվել արտերկրում ու ծանոթանալով նորագույն մեթոդներին՝ դրանք ներդրել Հայաստանում։

 

Այս հոդվածում, սակայն, ուզում ենք ներկայացնել մեր կարծիքով առավել հետաքրքիր և հաջողված ծրագրերից մեկի՝ մարզային բժիշկների վերապատրաստման մանրամասները, որը սկիզբ է առել 2005թ.։

 

Ծրագրի նպատակն է բարձրացնել ՀՀ մարզերի բնակչության առողջապահական սպասարկման որակը` աջակցելով այնտեղ աշխատող բժիշկների շարունակական ուսուցմանը՝ ուղղված նոր գիտելիքների և հմտությունների ձեռքբերմանը, մասնագիտական նոր մեթոդների և տեխնոլոգիաների յուրացմանը, մարզերի և մայրաքաղաքի բուժ­հաստատությունների միջև շարունակական կապի ձևավորմանը։

 

Այս ծրագիրը համաֆինանսավորվում է Հայ օգնության ֆոնդի և Ջինիշյան հիշատակի հիմնադրամի կողմից։ Անմիջական իրականացնողը ՀՕՖ-ն է` ՀՕՖ-ի Բժշկական շրջանավարտների միության համագործակցությամբ։

 

Գաղտնիք չէ, որ Հայաստանում որակավորում բարձրացնող շարունակական բժշկական կրթությունը եվրոպական երկրների համեմատությամբ գտնվում է ոչ լիարժեք մակարդակի վրա։ Հեռավոր շրջանների բնակիչները գրեթե հնարավորություն չունեն օգտվելու Երևան քաղաքի առողջապահական ռեսուրսներից։ Այդ պատճառով էլ ծրագիրը նպատակ ունի օժանդակելու Հայաստանի մարզային բժիշկների վերապատրաստմանը` նրանց հնարավորություն տալով ձեռք բերելու նոր գիտելիքներ ու հմտություններ և ծանոթանալու մասնագիտական նոր մոտեցումներին, մեթոդներին և տեխնոլոգիաներին։

 

Հայաստանում ներկայումս գոյություն չունի մեկ միասնական կրթական համակարգ, որը պետք է զբաղվի շարունակական բժշկական կրթության կազմակերպմամբ։ Այս ծրագիրը ստեղծված է Զալցբուրգի միջազգային բժշկական սեմինարների և ՀՕՖ Բժշկական ծրագրի օրինակով և նպատակներից մեկն էլ Հայաստանի շրջաններում բժիշկ-մասնագետների ցանցի ձևավորումն է։ Հետաքրքիրն այն է, որ Զալցբուրգի միջազգային սեմինարների և ՀՕՖ Բժշկական ծրագրով վերապատրաստված բժիշկներն իրենց հերթին վերապատրաստում են Հայաստանի տարբեր մարզերից ժամանած բժիշկներին` ստեղծելով արդյունավետ գործող մի շղթա։

 

Վերապատրաստման նպատակով ընտրվել են տարբեր մասնագիտացումներ ունեցող 125 բժիշկներ` հանրապետության բոլոր մարզերից։ Վերապատրաստման դասընթացներն իրականացվում են մայրաքաղաքի առաջատար բժշկական հաստատություններում՝ «Արաբկիր», «Քանաքեռ-Զեյթուն», «Նորք-Մարաշ», «Ստրես», «Էրեբունի», «Մալաթիա», «Շենգավիթ» բժշկական կենտրոններում, Մոր և մանկան առողջության պահպանման գիտահետազոտական կենտրոնում, «Դիագնոստիկա» ախտորոշիչ կենտրոնում, ԵՊԲՀ համալսարանական կլինիկաներում, Վնասվածքաբանության, օրթոպեդիայի, այրվածքաբանության և ռադիոլոգիայի հանրապետական կենտրոնում, Հանրապետական մանկական վերականգնողական կենտրոնում, «Առիթմոլոգիական սրտաբանական խումբ» կլինիկայում, «Նորք» ինֆեկցիոն կլինիկայում։

 

Վերապատրաստման դասընթացների վերջում բժիշկները հանձնում են համապատասխան գործնական քննություն, ինչպես նաև կլինիկական դեպքի նկարագրության մեկ ռեֆերատ` երաշխավորված վերապատրաստման ղեկավարի կողմից։

 

Վերապատրաստման ընթացքում բոլոր բժիշկները մասնակցում են համակարգչային դասընթացներին։ Ընդ որում նախապես որոշվում է նրանց բազային մակարդակը, ապա ընտրվում է համապատասխան ուսումնական ծրագիր։ Իսկ վերապատրաստման վերջում` թեստավորումից հետո, նրանք բոլորը ստանում են համապատասխան վկայականներ։

 

Ուսումնառության ժամանակ բժիշկները նաև այցելում են Հանրապետական գիտաբժշկական գրադարան, ծանոթանում համաշխարհային էլեկտրոնային բժշկական գրադարանից օգտվելու մեթոդներին։ Տեղեկատվական այս աղբյուրները օգտագործվում են վերապատրաստման վերջում ներկայացվող ռեֆերատները կազմելիս։ Բժիշկները մասնակցում են նաև բազմաթիվ սեմինարների, որոնց կազմակերպիչներն են` «Առիթմոլոգիական սրտաբանական խումբ» կլինիկան, Անեսթեզիոլոգների ասոցիացիան, «Արաբկիր» բժշկական կենտրոնը, Երևանի պետական բժշկական համալսարանը։

 

Ծրագրի կարևոր գործառույթներից մեկն էլ մարզային հիվանդանոցներին բժշկական սարքավորումների տրամադրումն է։ Այս առումով կարելի է առանձնացնել Վանաձորի թիվ 1 հիվանդանոցային համալիրին և Գյումրիի Գ. Գյուլբենկյանի անվան վիրաբուժական հիվանդանոցին համակարգչային շերտագրման սարքեր հատկացնելը։ Բնական է, որ տեսական գիտելիքներին զուգահեռ արդիական սարքավորումներ ունենալը անհամեմատ մեծացնում է մարզային հիվանդանոցներում աշխատող բժիշկների ներուժը և բարձրացնում բնակչության առողջապահական սպասարկման որակը։

 

Ծրագրի կարևոր բաղկացուցիչ մասերից է ՀՀ մարզերի և մայրաքաղաքի միջև բժշկական տեղեկատվական ցանցի հիմնադրումը, որի նպատակն է մարզերում աշխատող և գիտական ինֆորմացիայից կտրված բժիշկներին պարբերաբար իրազեկել մայրաքաղաքում տեղի ունեցող բժշկական միջոցառումների մասին, ինչպես նաև դեպքերի քննարկման և խորհրդատվության նպատակով կապ ստեղծել մարզերում աշխատող բժիշկների և մայրաքաղաքի առաջատար մասնագետների միջև։

 

ՀՕՖ բժշկական ծրագրերը Հայաստանում շարունակական բնույթ են կրում և անընդհատ ընդգրկում են առողջապահական նորանոր ոլորտներ։ Կազմակերպիչները, վերլուծելով և ճշգրիտ գնահատելով ՀՀ առողջապահական համակարգի իրական վիճակը, միշտ էլ իրենց ուշադրության և հոգածության առարկա են դարձնում այն ամենաէականը, որն, իրոք, հրատապ բարելավման ու բարեփոխման կարիք ունի։

 

Հեղինակ. Վահե Տեր-Մինասյան
Սկզբնաղբյուր. ՀՀ - Ամսագիր ''Ֆարմացևտ պրակտիկ'' 4-5-2008 (12)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ամերիկյան-ավստրիական հիմնադրամ և Բաց բժշկական ինստիտուտ. The American Austrian foundation
Ամերիկյան-ավստրիական հիմնադրամ և Բաց բժշկական ինստիտուտ. The American Austrian foundation

1984 թվականին իրենց երկրների միջև սերտ համագործակցություն հաստատել ձգտող մի խումբ ամերիկացի և ավստրիացի մասնագետներ հիմնադրեցին Ամերիկյան-ավստրիական հիմնադրամը...

Ապագա բժիշկ (1261-62) 4-5.2012 Մարտ
''Արմեդա'' մշակութային ակումբը
''Արմեդա'' մշակութային ակումբը

Շուրջ մեկ տարի է, որ Հայկական բժշկական ասոցիացիայի կազմում գործում է «Արմեդա» մշակութային ակումբը։ Այստեղ` Տերյան 72 հասցեում ազատ ժամանակ իրենց հանգիստն են անցկացնում ոչ միայն...

Ֆարմացևտ պրակտիկ 4-5.2008 (12)
Հայկական բժշկական ասոցիացիան և ապացուցողական բժշկությունը
Հայկական բժշկական ասոցիացիան և ապացուցողական բժշկությունը

Շարունակելով ներկայացնել Հայկական Բժշկական Ասոցիացիայի (ՀԲԱ) գործունեությունը` ցանկանում ենք նշել, որ կազմակերպության առաջնակարգ կանոնադրական հիմնախնդիրներից է նաև Հայաստանում...

Թվեր և փաստեր Ֆարմացևտ պրակտիկ 1-2.2008 (10)
Հայկական քրիստոնեական բժշկական ասոցիացիա հասարակական կազմակերպություն
Հայկական քրիստոնեական բժշկական ասոցիացիա հասարակական կազմակերպություն

Մեր հյուրն է Հայկական քրիստոնեական բժշկական ասոցիացիա հասարակական կազմակերպության նախագահ Հալեպի բժշկական համալսարանի պրոֆեսոր Ջանի Հադդադը...

Ֆարմացևտ պրակտիկ 1-2.2008 (10) Բժշկի ընդունարանում Բժիշկներ
Հայաստանի բժիշկ-ուսանողների գիտական ասոցիացիա
Հայաստանի բժիշկ-ուսանողների գիտական ասոցիացիա

Հայաստանի բժիշկ-ուսանողների գիտական ասոցիացիան` (ՀԲՈՒԳԱ) հիմնադրվել է 1991 թ., իսկ արդեն 1994-ին պաշտոնապես գրանցվել է Հայաստանի Հանրապետության Արդարադատության նախարարության կողմից:...

Ֆարմացևտ պրակտիկ 11-12.2007 (8-9)
Ջինիշյան հիշատակի հիմնադրամ
Ջինիշյան հիշատակի հիմնադրամ

1966 թ. 95-ամյա Վարդան Ջինիշյանը և երիցական եկեղեցին (ԱՄՆ), վերջինիս հովանու ներքո որոշեցին ստեղծել բարեգործական հիմնադրամ` անվանելով այն Ջինիշյան հիշատակի հիմնադրամ՝ ի պատիվ...

Ֆարմացևտ պրակտիկ 9.2007 (6)
Հասարակական առողջության հայկական ասոցիացիա
Հասարակական առողջության հայկական ասոցիացիա

«Հասարակական առողջության հայկական ասոցիացիա» հասարակական կազմակերպությունը (ՀԱՀԱ) ոչ պետական կազմակերպություն է, որն իր գործունեության ավելի քան 10 տարիների ընթացքում զգալի ներդրում է ունեցել...

Ֆարմացևտ պրակտիկ 4-5.2007 (4-5)
Հայկական բժշկական ասոցիացիա. կլինիկական այցեր
Հայկական բժշկական ասոցիացիա. կլինիկական այցեր

Հայկական բժշկական ասոցիացիա հասարակական կազմակերպության հիմնական նպատակն է. իր գործունեությամբ նպաստել Հայաստանում բժշկագիտության և գործնական բժշկության զարգացմանը և արդի...

Ֆարմացևտ պրակտիկ 4-5.2007 (4-5)
Հայաստանի Մանկական հոգեբույժների և հոգեբանների ընկերություն
Հայաստանի Մանկական հոգեբույժների և հոգեբանների ընկերություն

Հիմնաադրրել է 1997 թ. որպես մասնագիտական հասարակական կազմակերպություն: Միավորում է հոգեբույժներին, հոգեբաններին և մանկական հոգեկան առողջության ոլորտի մասնագետներին...

Ֆարմացևտ պրակտիկ 3.2007 (3)
Հայաստանի երիտասարդ նյարդաբանների լիգա
Հայաստանի երիտասարդ նյարդաբանների լիգա

Մեր ժողովրդի համար խորհրդանշական ամսթվերից մեկը` սեպտեմբերի 21-ը, Հայկական բժշկական ասոցիացիայի (ՀԲԱ) համար դարձավ կրկնակի տոնական, քանզի 2006 թ. հենց սեպտեմբերի 21-ին հրավիրված...

Ֆարմացևտ պրակտիկ 2.2007 (2) Իրադարձություններ Հայաստանում
Հայաստանի սրտաբանների ասոցիացիա
Հայաստանի սրտաբանների ասոցիացիա

Հայաստանի սրտաբանների ասոցիացիան (ՀՍԱ) հիմնադրվել է 1996 թ. և հանդիսանում է 1965 թ. գործող Հայաստանի սրտաբանների ընկերության իրավահաջորդը...

Ֆարմացևտ պրակտիկ 2.2007 (2)
Հայկական բժշկական ասոցիացիա
Հայկական բժշկական ասոցիացիա

Հայկական Բժշկական Ասոցիացիան հիմնադրվել է 2002 թ. և համարվում է բժշկական և կենսաբժշկական կրթություն ունեցող, ինչպես նաև հանրային առողջության մասնագետ բժիշկների միություն,...

Ֆարմացևտ պրակտիկ 1.2007 (1)

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ