Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ասոցիացիաներ

Հայաստանի բժիշկ-ուսանողների գիտական ասոցիացիա

Հայաստանի բժիշկ-ուսանողների գիտական ասոցիացիա

Հայաստանի բժիշկ-ուսանողների գիտական ասոցիացիան` (ՀԲՈՒԳԱ) հիմնադրվել է 1991 թ., իսկ արդեն 1994-ին պաշտոնապես գրանցվել է Հայաստանի Հանրապետության Արդարադատության նախարարության կողմից:` որպես հասարակական կազմակերպություն:

 

ՀԲԳՈՒԱ իրականացրել և իրականացնում է առողջապահական, տեղեկատվական, կրթական և ուսուցողական բազմաբնույթ ծրագրեր, որոնք ֆինանսավորվում են միջազգային տարբեր կազմակերպությունների կողմից (ՄԱԿ-ի բնակչության հիմնադրամ, ԱՄՆ-ի Միջազգային զարգացման գործակալություն, Ընդդեմ ՁԻԱՀ-ի, մալարիայի և տուբերկուլյոզի դեմ պայքարի Գլոբալ հիմնադրամ և այլն) Ծրագրերն իրագործում են փորձառու մասնագետները, որոնք մասնակցել են բազմաթիվ սեմինարների, գիտաժողովների և ուսումնավարժանքների: ՀԲՈՒԳԱ առաջինն էր հասարակական կազմակերպությունների շարքում, որ 1999 թ. իրականացրեց ընդդեմ ՁԻԱՀ-ի տեղեկատվական, կրթական քարոզարշավ ՄԱԿ-ի մանկական հիմնադրամի աջակցությամբ` իրականացնելով տարբեր բնույթի հանրային միջոցառումներ, այդ թվում`` Վառվող մոմերիՙ ակցիա` ի հիշատակ ՄԻԱՎ/ՁԻԱՀ-ից մահացածների:

 

Հայաստանի բժիշկ-ուսանողների գիտական ասոցիացիաԱյժմ ՀԲՈՒԳԱ, սերտորեն համագործակցելով ՄԱԿ-ի բնակչության հիմնադրամի ''Հարավային Կովկասում երիտասարդության վերարտադրողական առողջությանն ուղղված նախաձեռնություն" տարածաշրջանային ծրագրի հետ, վերջինիս շրջանակներում իրականացնում է ''Հայաստանում պահպանակների հանրային մարքեթինգ և երիտասարդության համար վերարտադրողական առողջության կրթական քարոզարշավների նախաձեռնությունը"` իր ակտիվ ներդրումն ունենալով վերարտադրողական առողջության խնդրի լուծման գործում: ՀԲՈՒԳԱ այն եզակի կազմակերպությունն է, որը 2002 թ. ի վեր Հայաստանում իրականացնում է պահպանակների հանրային մարքեթինգ` նպատակ ունենալով բնակչությանը մատչելի գնով որակյալ պահպանակ ապահովել: Սա խթանում է պահպանակների օգտագործումը, ինչպես նաև նպաստում է անվտանգ սեռական հարաբերությունների վերաբերյալ գիտելիքների աճին և կրճատում սեռական ճանապարհով փոխանցվող հիվանդությունների, ՄԻԱՎ/ՁԻԱՀ-ի և անցանկալի հղիությունների թիվը: ''Պահպանակների հանրային մարքեթինգ" ծրագրի շրջանակներում ՀԲՈՒԳԱ 2004 թ. մասնակցել է Թայլանդում կայացած ՁԻԱՀ-ի Համաշխարհային XV գիտաժողովին, որտեղ հատկացվել էր ցուցասրահ` կազմակերպության ծրագրերը մանրամասն ներկայացնելու համար: Ի դեպ, ՀԲՈՒԳԱ այս գիտաժողովում Հայաստանը ներկայացնող միակ հասարակական կազմակերպությունն էր: 2006 թ. կազմակերպությունը մասնակցել է Կանադայում կայացած ՁԻԱՀ-ի Համաշխարհային համաժողովին` կրկին հանդիսանալով հայաստանյան միակ հասարակական կազմակերպությունը:

 

Հարավային Կովկասում երիտասարդության վերարտադրողական առողջությանն ուղղված նախաձեռնությունՙ ծրագիրը մեկնարկել է 2006 թ.: Այն նպատակ ունի սեմինարների և հանրային քննարկումների միջոցով բարձրացնել երիտասարդության վերարտադրողական խնդրի և իրավունքի վերաբերյալ գիտելիքի մակարդակը, ձևավորել անվտանգ սեռական վարքագիծ և ՀՀ տարածքում ստեղծել կաբինետներ, որտեղ երիտասարդներին կտրամադրվի անվճար խորհրդատվություն և ծառայություն: Ծրագրի շրջանակներում ՀԲՈՒԳԱ ակտիվ կերպով համագործակցում է երիտասարդության հետ առնչվող բոլոր կազմակերպությունների հետ, որոնց թվում են ինտերնետ ակումբները, ռեստորանները, սպորտային ակումբները, գեղեցկության սրահները և այլն` վերջիններիս տրամադրելով կրթական և տեղեկատվական նյութեր: Ծրագրի մեջ ընդգրկված են նաև տեղական ինքնակառավարման մարմինների և առողջապահության նախարարության ներկայացուցիչներ, ուսուցիչներ և բժիշկներ, որոնց իրազեկման մակարդակի բարձրացումը կնպաստի ծրագրի հետագա արդյունավետ իրագործմանը:

 

2004 թ. ՀԲՈՒԳԱ նախագահը, հանդես գալով որպես հասարակական կառույցի ներկայացուցիչ, ստորագրել է ՁԻԱՀ-ի, մալարիայի և տուբերկուլյոզի դեմ պայքարի Գլոբալ հիմնադրամիՙ և Հայաստանի միջև համաձայնագիրը, ըստ որի ՀԲՈՒԳԱ իրականացրել է երկու ծրագիր` ''ՄԻԱՎ/ՁԻԱՀ-ի տարածման կանխարգելման" կրթական ծրագիրը և ''՚Ընդդեմ ՁԻԱՀ-ի" ակցիան:

 

Հայաստանի բժիշկ-ուսանողների գիտական ասոցիացիա"ՄԻԱՎ/ՁԻԱՀ-ի տարածման կանխարգելման" կրթական ծրագրի ընդհանուր նպատակն էր Հայաստանի միջնակարգ և բարձրագույն ուսումնական հաստատություններում սովորող դեռահասների և երիտասարդների շրջանում նվազեցնել ՄԻԱՎ/ՁԻԱՀ-ի տարածումը: Ծրագրի շնորհիվ միջնակարգ և բարձրագույն ուսումնական հաստատությունների ուսուցիչների և դասախոսների վարժանքների միջոցով բարձրացվել է VIII-X դասարանցիների և բուհերի I-II կուրսերի ուսանողների իրազեկության մակարդակը ՄԻԱՎ վարակի, ինչպես նաև սեռավարակների փոխանցման ուղիների և կանխարգելման միջոցների վերաբերյալ: Ծրագիրը խթան է հանդիսացել երիտասարդների շրջանում անվտանգ սեռական վարքագծի ձևավորմանը, քարոզվել է պահպանակների օգտագործումը սեռական հարաբերությունների ընթացքում: Ծրագիրն իրականացվել է VIII-X դասարաններում դասավանդող ուսուցիչների և բուհերի I-II կուրսերում դասավանդող դասախոսների վարժանքների միջոցով: Վարժանքներին մասնակցող ուսուցիչների և դասախոսների համար մշակվել և տպագրվել են կրթական նյութեր, որոնք ներառում են մոտ 2 հազ. օրինակ մեթոդական, կրթական ձեռնարկներ` "Դասընթաց քոլեջների և բուհերի սովորողների համար", "Դասընթաց հանրակրթական դպրոցների VII-IX դասարանների աշակերտների համար'' և 1800 ցուցանակների հավաքածու: Ծրագրի շրջանակներում կազմակերպվել են 60 սեմինար-դասընթացներ` կրթելով 1147 ուսումնական հաստատություններից 1800 ուսուցիչներ և դասախոսներ:

 

Ընդդեմ ՁԻԱՀ-ի ակցիա ծրագրի ընդհանուր նպատակն էր կանխել ՄԻԱՎ/ՁԻԱՀ-ի տարածումը Հայաստանում, ավելացնել ՄԻԱՎ-ի փոխանցման, կանխարգելման ուղիների վերաբերյալ գիտելիքները և ձևավորել հանդուրժողական վերաբերմունք ՄԻԱՎ/ՁԻԱՀ-ով վարակվածների նկատմամբ: Ծրագիրն իրականացվել է ակցիաների միջոցով, որոնք տեղի են ունեցել Երևանում և ՀՀ 3 մարզերում (Գեղարքունիք, Լոռի, Սյունիք): Ակցիաների համար ուղերձները և նշանաբանները մշակվել են բնակչության հետ կատարված նպատակային քննարկման խմբերի գնահատումների համաձայն, ուստի ակցիաները կազմակերպվել են համերգներ հայտնի հայ աստղերի մասնակցությամբ, ուրախների և հնարամիտների ակումբների, թոք-շոուների և ժամանակակից օպերայի տեսքով: Ընդհանուր առմամբ իրականացվել է 20 ակցիա, որոնցից 8-ը` նախատեսված ընդհանուր բնակչության, իսկ 12-ը` երիտասարդության համար: Իրազեկությունն իրականացվել է նաև տեղական և մարզային 12 թերթերում տպագրված հոդվածների միջոցով: Հոդվածների թեմատիկ համատեքստը որոշվել է` հաշվի առնելով թիրախային բնակչության կարիքները: Մշակվել է նաև թեմատիկ վեբ-կայք հայերեն, ռուսերեն և անգլերեն լեզուներով, ինչը նպաստել է երիտասարդությանը ՄԻԱՎ/ՁԻԱՀ-ի հարցերի վերաբերյալ անհրաժեշտ տեղեկություն ստանալուն:

Սկզբնաղբյուր. ՀՀ - Ամսագիր ''Ֆարմացևտ պրակտիկ'' 11-12-2007 (8-9)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ամերիկյան-ավստրիական հիմնադրամ և Բաց բժշկական ինստիտուտ. The American Austrian foundation
Ամերիկյան-ավստրիական հիմնադրամ և Բաց բժշկական ինստիտուտ. The American Austrian foundation

1984 թվականին իրենց երկրների միջև սերտ համագործակցություն հաստատել ձգտող մի խումբ ամերիկացի և ավստրիացի մասնագետներ հիմնադրեցին Ամերիկյան-ավստրիական հիմնադրամը...

Ապագա բժիշկ (1261-62) 4-5.2012 Մարտ
''Արմեդա'' մշակութային ակումբը
''Արմեդա'' մշակութային ակումբը

Շուրջ մեկ տարի է, որ Հայկական բժշկական ասոցիացիայի կազմում գործում է «Արմեդա» մշակութային ակումբը։ Այստեղ` Տերյան 72 հասցեում ազատ ժամանակ իրենց հանգիստն են անցկացնում ոչ միայն...

Ֆարմացևտ պրակտիկ 4-5.2008 (12)
Հայ օգնության ֆոնդ
Հայ օգնության ֆոնդ

Հայ օգնության ֆոնդը (ՀՕՖ) հիմնադրվել է 1988 թ. դեկտեմբերյան երկրաշարժից անմիջապես հետո ու վերջին 20 տարիներին ի թիվս այլ ծրագրերի իրականացրել է բժշկական ուղղվածության մի շարք ուշագըրավ...

Թվեր և փաստեր Ֆարմացևտ պրակտիկ 4-5.2008 (12) Իրադարձություններ Հայաստանում Հրատապ թեմա Հայաստանում
Հայկական բժշկական ասոցիացիան և ապացուցողական բժշկությունը
Հայկական բժշկական ասոցիացիան և ապացուցողական բժշկությունը

Շարունակելով ներկայացնել Հայկական Բժշկական Ասոցիացիայի (ՀԲԱ) գործունեությունը` ցանկանում ենք նշել, որ կազմակերպության առաջնակարգ կանոնադրական հիմնախնդիրներից է նաև Հայաստանում...

Թվեր և փաստեր Ֆարմացևտ պրակտիկ 1-2.2008 (10)
Հայկական քրիստոնեական բժշկական ասոցիացիա հասարակական կազմակերպություն
Հայկական քրիստոնեական բժշկական ասոցիացիա հասարակական կազմակերպություն

Մեր հյուրն է Հայկական քրիստոնեական բժշկական ասոցիացիա հասարակական կազմակերպության նախագահ Հալեպի բժշկական համալսարանի պրոֆեսոր Ջանի Հադդադը...

Ֆարմացևտ պրակտիկ 1-2.2008 (10) Բժշկի ընդունարանում Բժիշկներ
Ջինիշյան հիշատակի հիմնադրամ
Ջինիշյան հիշատակի հիմնադրամ

1966 թ. 95-ամյա Վարդան Ջինիշյանը և երիցական եկեղեցին (ԱՄՆ), վերջինիս հովանու ներքո որոշեցին ստեղծել բարեգործական հիմնադրամ` անվանելով այն Ջինիշյան հիշատակի հիմնադրամ՝ ի պատիվ...

Ֆարմացևտ պրակտիկ 9.2007 (6)
Հասարակական առողջության հայկական ասոցիացիա
Հասարակական առողջության հայկական ասոցիացիա

«Հասարակական առողջության հայկական ասոցիացիա» հասարակական կազմակերպությունը (ՀԱՀԱ) ոչ պետական կազմակերպություն է, որն իր գործունեության ավելի քան 10 տարիների ընթացքում զգալի ներդրում է ունեցել...

Ֆարմացևտ պրակտիկ 4-5.2007 (4-5)
Հայկական բժշկական ասոցիացիա. կլինիկական այցեր
Հայկական բժշկական ասոցիացիա. կլինիկական այցեր

Հայկական բժշկական ասոցիացիա հասարակական կազմակերպության հիմնական նպատակն է. իր գործունեությամբ նպաստել Հայաստանում բժշկագիտության և գործնական բժշկության զարգացմանը և արդի...

Ֆարմացևտ պրակտիկ 4-5.2007 (4-5)
Հայաստանի Մանկական հոգեբույժների և հոգեբանների ընկերություն
Հայաստանի Մանկական հոգեբույժների և հոգեբանների ընկերություն

Հիմնաադրրել է 1997 թ. որպես մասնագիտական հասարակական կազմակերպություն: Միավորում է հոգեբույժներին, հոգեբաններին և մանկական հոգեկան առողջության ոլորտի մասնագետներին...

Ֆարմացևտ պրակտիկ 3.2007 (3)
Հայաստանի երիտասարդ նյարդաբանների լիգա
Հայաստանի երիտասարդ նյարդաբանների լիգա

Մեր ժողովրդի համար խորհրդանշական ամսթվերից մեկը` սեպտեմբերի 21-ը, Հայկական բժշկական ասոցիացիայի (ՀԲԱ) համար դարձավ կրկնակի տոնական, քանզի 2006 թ. հենց սեպտեմբերի 21-ին հրավիրված...

Ֆարմացևտ պրակտիկ 2.2007 (2) Իրադարձություններ Հայաստանում
Հայաստանի սրտաբանների ասոցիացիա
Հայաստանի սրտաբանների ասոցիացիա

Հայաստանի սրտաբանների ասոցիացիան (ՀՍԱ) հիմնադրվել է 1996 թ. և հանդիսանում է 1965 թ. գործող Հայաստանի սրտաբանների ընկերության իրավահաջորդը...

Ֆարմացևտ պրակտիկ 2.2007 (2)
Հայկական բժշկական ասոցիացիա
Հայկական բժշկական ասոցիացիա

Հայկական Բժշկական Ասոցիացիան հիմնադրվել է 2002 թ. և համարվում է բժշկական և կենսաբժշկական կրթություն ունեցող, ինչպես նաև հանրային առողջության մասնագետ բժիշկների միություն,...

Ֆարմացևտ պրակտիկ 1.2007 (1)

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ