Ճիշտ ախտորոշումը բուժման կեսն է. Տաթևիկ Բադալյան. izmirlianmedicalcenter.com

Ժամանակին բժշկին դիմելու, ախտորոշվելու, առողջական խնդիրները հնարավորինս շուտ բացահայտելու և լուծելու մասին զրուցեցինք գաստրոէնտերոլոգ, «Իզմիրլյան» բժշկական կենտրոնի կոնսուլտացիոն-ախտորոշիչ բաժանմունքի և ընդունարանի վարիչ Տաթևիկ Բադալյանի հետ:

–  Ի՞նչ ախտորոշիչ ծառայություններ են իրականացվում «Իզմիրլյան» ԲԿ-ում:

–  Որպես կոնսուլտացիոն-ախտորոշիչ բաժանմունքի եւ ընդունարանի վարիչ, նախևառաջ, խոսեմ ընդունարանի մասին, որը կենտրոնի կարևոր մասն է կազմում: Պացինետը, դիմելով հիվանդանոց, առաջնային զննումից հետո` անկախ նախընտրած մասնագետից, ընդունարանի բժշկի կողմից ուղղորդվում է համապատասխան հետազոտություններ անցնելու, որից հետո մասնագետների մոտ խորհրդատվություն ստանալու կամ բուժման ամբողջ գործընթացը կազմակերպելու:

Կոնսուլտացիոն-ախտորոշիչ ծառայությունները ներառում են էլեկտրասրտագրությունը, էխոսրտագրությունը, էնդոսկոպիկ ծառայությունը, կլինիկական, պաթոհիստոլոգիական, մանրէաբանական լաբորատորիան, ինպես նաև նեղ մասնագետների խորհրդատվությունը (սրտաբան, թոքաբան, գաստրոէնտերոլոգ, ալերգոլոգ, ռևմատոլոգ, մաշկավեներոլոգ, նյարդաբան, ներզատաբան, գինեկոլոգ, ատամնաբույժ և հոգեբան):

–  Ի՞նչ ձեռքբերումներ եք գրանցել վերջին մեկ տարվա կտրվածքով:

–  Վերջին մի քանի տարում մենք ունեցել ենք բավական լուրջ ձեռքբերումներ, որոնց շնորհիվ արդյունավետ են եղել և՛ ախտորոշումները, և՛ հետագայում բուժման արդյունքները: Կլինիկայում ախտորոշումն իրականացվում է նորագույն սարքավորումների միջոցով, որոնց օգնությամբ սխալվելու հավանականությունը մինիմալիզացված են: Մեր աշխատանքի արդյունավետությունն ապացուցում է հիվանդների հոսքի ակնհայտ շարունակական ավելացումը:

–  Կենտրոնում հաճախակի՞ են իրականացվում համալրումներ:

–  Նկատելի է այն փաստը, որ յուրաքանչյուր տարի կենտրոնը համալրվում է նոր մասնագետներով: Վերջին տարիներին ձեռք են բերվել աշխարհում հայտնի ընկերությունների արտադրության սարքավորումներ, որոնց օգնությամբ մեր կենտրոնը բուժման նոր որակ է արձանագրել մի քանի ոլորտներում: Ամփոփելով, վստահորեն կարող եմ ասել, որ մեր  հիվանդանոց  առաջ է ընթանում է ժամանակակից բժշկության մարտահրավերներին համապատասխան:

Կենտրոնի տնօրինության ջանքերով` ի դեմս պրոֆեսոր  Արմեն Չարչյանի, բժշկագիտական ոլորտում նույնպես արձանագրելով առաջընթաց, կլինիկան դարձել է մեր երկրի լավագույն կենտրոններից մեկը: Լինելով Մայր Աթոռի հովանու ներքո գործող կառույց, մեր պատասխանատվությունը կրկնապատկվում է` բարձր պահելու մեր ժողովրդի հավատքը դեպի բժշկությունն ու եկեղեցին: Կենտրոնի համար առաջնայինը հիվանդն է, ուստի ամեն ինչ արվում է հանուն նրա առողջության վերականգնման, և որի արդյունքում  նրանք  կհեռանան բուժկենտրոնից  ապաքինված:

–  Նշեցիք, որ ճիշտ ախտորոշումը հաջողության բանալին է, ի՞նչ կհորդորեք առողջական խնդիրներ ունեցող մարդկանց:

–  Այո՛, ճիշտ ախտորումը բուժման հաջողության գրավականն է: Ցավոք, սովորաբար մարդիկ դիմում են հիվանդության ուշացած և բարդացած դեպքերում: Հորդորում եմ, որ անգամ աննշան խնդրի դեպքում դիմեն բժշկի:

Հարցեր, պատասխաններ, մեկնաբանություններ