Ուսային հոդի արթրոսկոպիկ վիրահատությունները «Իզմիրլյան» ԲԿ-ում. izmirlianmedicalcenter.com

Բաժանմունքում իրականացվող արթրոսկոպիկ վիրահատությունների գերակշիռ մասը կատարվում է ծնկան հոդի վրա՝ մահիկի հեռացման, կարման, աճառային դեֆեկտների և ջլային ապարատի վերականգնման մոզաիկապլաստիկայի նպատակով։ Իրականացնում ենք նաև առաջային խաչաձև կապանի պլաստիկա, սրունք-թաթային հոդի, արմնկային և ուսային հոդերի արթրոսկոպիկ վիրահատություններ:

Որո՞նք են ուսային հոդի արթրոսկոպիկ վիրահատության ցուցումները, ի՞նչ անհանգստություններ է ունենում պացիենտը:

Նմանատիպ վիրահատությունների գերակշիռ մասը կատարվում է պացիենտի կյանքի որակի բարելավման, ուժեղ ցավերի կանխման նպատակով:

Ուսային հոդի արթրոսկոպիկ միջամտության հիմնական ցուցումները.

•  սեղմման համախտանիշ (Impingment syndrome),
•  կալցիֆիկացնող բուրսիտ (Ca-deposition),
•  պտտող թեզանիքի վնասում (Rotator cuff),
•  սովորութային հոդախախտ (Bankard):

Որո՞նք են արթրոսկոպիկ մեթոդի ընձեռած հնարավորությունները: Ինչո՞վ է այն առավել արդյունավետ բաց եղանակով իրականացվող վիրահատություններից:

• Հիվանդի ստացած տրավման նվազագույն է:
• Վիրահատությունները քիչ ինվազիվ են:
• Ապահովում են ամբողջ հոդի տեսանելիությունը:
• Վիրահատությունն իրականացվում է 3 մմ տրամագծով 3-4 անցքերի միջոցով, մինչդեռ նույն դասի բաց վիրահատությունը պահանջում է միջինը 10 սմ կտրվածք, մկանային հատումներ ¨ այլ
• Հոսպիտալացման օրերը կրճատվում են:
• Հետվիրահատական հնարավոր բարդությունների տոկոսը նվազում է:

Վիրահատական այս եղանակով իրականացվում է ո՛չ միայն բորբոքված հյուսվածքների, պոկված կտորների հեռացում, այլ նաև վերականգնողական վիրահատություններ, որոնք 2001 թվականից իրականացվում են մեր բաժանմունքում: Այդ թվում են պտտող թեզանիքի վերականգնողական վիրահատությունները (այս դեպքում պատռվածքը կարվում է նույնպես արթրոսկոպիկ եղանակով), սովորութային  հոդախախտերի հետ կապված առաջային լաբրիումի պատռվածքը, երբ ուսագլխիկը դուրս է գալիս հոդափոսից՝ տարբեր շարժումների հետևանքով: Այս մեթոդներով բաժանմունքում վիրահատվել են 1000-ից ավելի պացիենտներ, նաև՝ արտերկրից, այդ թվում՝ բազմաթիվ պրոֆեսիոնալ մարզիկներ, ովքեր բարեհաջող շարունակել են իրենց սպորտային կարիերան:

«Իզմիրլյան» բժշկական կենտրոնի օրթոպեդիայի և սպորտային տրավմաների բաժանմունքի վարիչ. Հ.Կ. Ավագյան, բժիշկներ. Խ.Ս. Մկրտչյան, Մ.Բ. Բադասյան

Հարցեր, պատասխաններ, մեկնաբանություններ