Նորամուծություններ հյուսվածքաբանական հետազոտության ասպարեզում. Դավիդյանց լաբորատորիաներ

Դավիդյանց լաբորատորիաներում արդեն  աշխատում է կրցքագեղձի քաղցկեղի հետազոտության մեկ պատուհանով սկզբունքը, որը ենթադրում է միայն հյուսվածքի ընդունմամբ ստանալ  հետագա բոլոր անհրաժեշտ հետազոտությունները՝ հիստոքիմիական, մոլեկուլյար, գենետիկական: Արդյունքում բուժող բժշկին կամ  պացիենտին հանձնվում է պատասխանների ամբողջ փաթեթը:

Նախկինում  իմունահիստոքիմիական հետազոտության ծառայությունը կատարվում էր միայն մեկ տեղում: Տարբեր լաբորատորիաներից ընդունվում էին տարբեր մեթոդներով մշակված հյուսվածքներ  և դրանք հետազոտվում էին ընդհանրական արձանագրությամբ՝ առաջացնելով  կեղծ բացասական պատասխաններ:

Հետագա զարգացման ճանապարհին բեկումնային էր գերմանացի մասնագետների այցը Հայաստան: Ես աշխատում էի ԵՊԲՀ  կլինիկական ախտաբանության լաբորատորիայում՝ պրոֆեսոր Կանայանի ղեկավարությամբ: Հրավիրվեցին գերմանացի մասնագետներ, ովքեր մեր պայմաններին համապատասխան մշակեցին արձանագրություն ու հանձնեցին  մեզ: Այսինքն՝ երկրորդ տեղը, որտեղ կատարվում էր կրծքագեղձի հետազոտություն՝ բժշկական համալսարանի լաբորատորիան էր:

Արտասահմանում կեղծ պատասխանի հավանականությունը նվազագույնի է հասված, որովհետև  բոլոր լաբորատորիաները մեկ ուղեցույցով են աշխատում, հետազոտությունները կատարվում են համատարած նույն սկզբունքներով՝ անկախ նրանից դա Գերմանիայում է, Ավստրիայում, թե Ֆրանսիայում: Հիմա զարգացման այն փուլն է, երբ Դավիդյանց լաբորատորիաները կարող են մեկ փաթեթով ներկայացնել կրծքագեղձի քաղցկեղի ամբողջական հետազոտությունը:

Այն իր մեջ ներառում է նաև հատուկ գենետիկական հետազոտություն: Չարորակ ուռուցքների դեպքում, որքան էլ ընդունված են հիստոքիմիական, հյուսվածքաբանական հետազոտությունները, այնուամենայնիվ, 20-30% հյուսվածքները կարիք ունեն հետագա գենետիկական հետազոտության՝ հասկանալու գենը վնասված է, թե` ոչ: Այս պահին Հայաստանում նման հետազոտություններ՝ ամբողջական փաթեթով, կատարվում է միայն Դավիդյանց լաբորատորիաներում:

Նորություն է նաև հենց վիրահատության ընթացքում անհայտ նորագոյացությունների էքսպրես հետազոտությունը: Ի՞նչ է այն ենթադրում:
Ունենք «Կրիոստատ» հատուկ սարքը, որը թույլ է տալիս չֆիքսված, չմշակված թարմ հյուսվածքը սառեցնել -30°-ում և ստանալ հյուսվածքի բարակ կտրվածքներ: Այն կարող ենք վերցնել ապակու վրա, միկրոսկոպիկ հետազոտություն իրականացնել և շատ կարճ ժամանակահատվածում եզրահանգում տալ` ուռու՞ցք է այն, թե՝ ոչ: Այս ամբողջ գործընթացը կատարվում է մոտավորապես 10-15 րոպեի ընթացքում՝ կախված հետազոտվող հյուսվածքի քանակից: Պատասխանն անմիջապես հաղորդվում է բուժող բժշկին, ով դեռ վիրահատական սեղանի մոտ սպասում է պատասխանին, թե ինչ գոյացության հետ գործ ունի, ինչքանով է այն վտանգավոր, հեռացնել, թե` ոչ, ինչպես հեռացնել և այլն: Այս մեթոդը կոչվում է ներվիրահատական արագ հետազոտություն: 

Հարցեր, պատասխաններ, մեկնաբանություններ