«Էրեբունի» բժշկական կենտրոնում արդեն գործում է Մամոգրաֆիայի բաժանմունքը

Նորաբաց բաժանմունքում տեղադրված է համաշխարհային ճանաչում ունեցող Hologic ընկերության թվային մամոգրաֆը, որը թույլ է տալիս առավել մանրակրկիտ ուսումնասիրել ամենանուրբ փոփոխությունները, որոնք անալոգային սարքավորման դեպքում կարող են երբեմն աննկատ մնալ:

Մամոգրաֆիան թույլ է տալիս հայտնաբերել կրծքագեղձի նորագոյացությունը մոտ երկու տարի ավելի շուտ, քան կինն ինքնուրույն կկարողանա շոշափել այն: Ըստ վիճակագրական տվյալների՝ կանանց մոտ ուռուցքներից ամենահաճախ հանդիպողը կրծքագեղձի քաղցկեղն է:

Հիվանդության բուժման արդյունավետությունն առավելապես կապված է նրա վաղ հայտնաբերման հետ: Մինչև 35 տարեկան կանանց մոտ կրծքագեղձում գերակայում է գեղձային հյուսվածքը և ավելի տեղեկատվական է ուլտրաձայնային հետազոտությունը: Մամոգրաֆիան այս դեպքում լրացուցիչ, օժանդակ հետազոտության դեր է կատարում: 40-ից բարձր տարիքում առաջնահերթ է մամոգրաֆիկ հետազոտությունը, որին լրացնում է ուլտրաձայնայինը: Եթե մամոգրաֆիան ցույց է տալիս նորագոյացության առկայությունը, ապա գերձայնային հետազոտությամբ ախտորոշվում է հյուսվածքի կառուցվածքը: Համակցված հետազոտությունն ապահովում է հետազոտման ճշգրտության 95%-ը:

Գոյություն ունի մամոգրաֆիայի երկու ձև. ախտորոշիչ, երբ կինը գալիս է արդեն որոշակի գանգատներով և սկրինինգային,  որի պարագայում այն հայտնաբերում են: «Էրեբունի» բժշկական կենտրոնում մամոգրաֆիան կատարվում է անվճար, սակայն 90% դեպքերում ճշգրիտ ախտորոշման համար անհրաժեշտ է համակցել այն գերձայնային հետազոտմամբ:

Բաժանմունքի կարգախոսն է. «Մամոգրաֆիան կանանց առողջության պահպանման գրավականն է... Դա կարող լինել նաև Ձեր առողջությունը…»:

Հարցեր, պատասխաններ, մեկնաբանություններ